It(em) want also is dat joffr(ouwe) aleyt die wijf is goessens vanden/ kerchove van goetsenhoven nu onlanx bid(er) stat van loeve(n) geweest/ es d(er) selv(er) stat thonende en(de) opdoende hoe dat de voirs(creven) goessen/ en(de) haerre beyd(er) kijnd(ere) hae(r) alle de goede also wael als die van/ haerre side(n) comen wae(re)n als die comen wae(re)n [vand(er) siden] des voirs(creven) goessens/ geheellic en(de) al ongebruyck maecte also dat sij nyegherinx op en hadde/ te lv leven biddende d(er) stat van loeven voirs(creven) dat sij hae(r) hier/ op versien woude gemerct dat de voirs(creven) goede inde(n) meesten dele/ ond(er) den beweynde en(de) bedrive d(er) vors(creven) stat en(de) na de(n) rechte d(er) selv(er)/ stat met scepen(en) brieve(n) van loeven beleydt zijn so dat de stat/ van loeven desen aengesien den voirs(creven) goessen en(de) reyne(re)n vande(n)/ kerchove sine(n) sone met hae(re)n brieve(n) h dede bescreve(n) tot enen/ seke(re)n daghe bi hae(r) te comen daer sij in beyden siden bid(er) stat/ q(ua)men Te wete(n) de voirs(creven) goessen in deen side en(de) joffr(ouwe) aleyt/ sijn wijf in dande(r) elc sijn bescheyt en(de) de weerde vanden goeden/ opdoende en(de) oec dat seke(re) tractaten en(de) dedinghen voermaels voe(r)/ scepen(en) van loeven thienen tussche(n) de(n) voirs(creven) goessen en(de) zijn wijf/ van haerre beyder goede(n) gededingt en(de) ghemaect sijn geweest/ Daer om eest dat de raet vand(er) stat van loeven al dese(n)/ aengesien en(de) voe(r) oghen genomen en(de) om alles bestens wille/ en(de) om dat de voirs(creven) p(ar)tijn in redelicheyden van hae(re)n goeden/ mochte(n) leven en(de) dat haerre beyd(er) kijnder niet te quist quist/ gaen en souden g(er) ghet(er)mineert en(de) uutgesproken heeft/ / voe(r) reden en(de) bescheit dat de voirs(creven) goessen jaerlex uut/ alle(n) de(n) goeden voirs(creven) hebbe(n) heffen en(de) boeren sal voe(r) sine(n)/ cost en(de) byleringhe lxxx gripe(n) te wete(n) xl pl(a)c(ken) pay(ments)/ voe(r) elke gripe gerekent te betalen tot alsulke(n) paymente(n) en(de)/ daghen als de rente(n) vanden voirs(creven) goeden jaerlex valle(n) en(de)/ v(er)schinen sele(n) na de gelande vanden rente(n) voirs(creven) en(de) dat des/ gelijx de voirs(creven) joffr(ouwe) aleyt voe(r) hae(r) en(de) voe(r) joffr(ouwe) adelissen/ haerre docht(er) die si bi hae(r) behouden sal en(de) voe(r) joffr(ouwe)/ odilien oec haerre docht(er) oec jaerlex hebben en(de) boeren sal/ uut allen de(n) goede(n) voirs(creven) c grijpen te wete(n) xl pl(a)c(ken)/ voe(r) elke g(ri)pe gerekent te betale(n) als voe(r) te we op/

also gevielt en(de) dat op desen last de vors(creven) reyne(re) met sinen/ bruede(r) en(de) zuste(re)n die nu te gader wonen alle de geheel/ goede te henw(er)t en(de) ov(er) hebbe(n) selen om die te rege(re)n wael/ en(de) loflic gelijc als dat behoert en(de) den last voirscr(even) mette(n)/ ande(re)n co(m)me(r) die d(aer) voe(r) uutgheet jaerlex te betale(n) op/ alsulke(n) vueghe en(de) condicie dat de voirs(creven) goessen in deen side/

en(de) [dat] joffr(ouwe) aleyt zijn wijf in dande(r) [deen side] en(de) de voirs(creven) hae(re) kijnde(re) in dande(r)/inde derde [alle] de schout die de voirs(creven) goessen en(de) joffr(ouwe) aleyt/ sijn wijf tot opte(n) dach van huden sculdech moge(n) zijn en(de)/ gemaect hebbe(n) betale(n) selen elc na de gelande van sinen/ renten en(de) goeden voirscr(even) En(de) oft also geboerde dat de voirs(creven)/ goessen voe(r) d(er) voirs(creven) joffr(ouwe) aleite(n) sine(n) wive aflivich worde/ dat dan de voirs(creven) rente(n) die de voirs(creven) goessen aldus jaerlix/ gehave(n) heeft jaerlex comen sele(n) te wete(n) deen helecht [d(aer) af] op/ der voirs(creven) joffr(ouwe) aleyten en(de) dande(r) helecht opte voirs(creven) kijnde(re)/ en(de) of des gelijx de voirs(creven) joffr(ouwe) aleyt aflivich worde voe(r)/ de(n) voirs(creven) goessen hae(re)n man dat dan de voirs(creven) hae(re) renten/ die sij jaerlex gehaven sal hebben te wete(n) deen helecht/ d(aer) af comen sal opte(n) vors(creven) goessen(en) en(de) dande(r) helecht/ opte voirs(creven) kijnde(re) hier in mede verclaert Gheboret/ / dat e(n)nich vande(n) voirs(creven) kijnde(re)n het wae(re) mans p(er)soen oft/ vrouwen p(er)sone te huwelic toghe bi rade vanden vrienden/ datme(n) dien na dat hi mans p(er)sone of vrouwen p(er)soen sijn sal/ vande(n) goeden die de kijnde(re) ov(er)hebbe(n) sele(n) v(er)sien sal na dat de/ goede en(de) rente(n) vanden vors(creven) goeden gedragen selen bove(n) tgheen/ dat voe(r) v(er)claert steet [na] dat hi mans p(er)sone of vrouwe(n) p(er)soen/ wae(r) want umm(er) redelic is dat altoes een mansp(er)soen wat meer/ hebbe(n) sal dan een vrouwe(n) p(er)sone(n) En(de) als vande(n) renten die joffr(ouwe)/ aleyt jaerlex hebben sal so is voert get(er)mineert geboret also/ dat de voirs(creven) [joffr(ouwe)] adelisse te huwelic toghe [met rade van vrienden] dat sij hae(r) daer af/ jaerlix gheven sal xx grijpen [en(de) of dat also niet en geschiede dat god v(er)huede so [en] sal de selve adelisse(n) vanden voirs(creven) xx gripe(n) niet meer jaerlex hebbe(n) dan x grijpe(n) en(de) dande(r) x selen come(n) opte voirs(creven) kijnde(re)] en(de) dat sij oec nu ter stont/ vanden selve(n) hae(re)n renten jaerlicx betale(n) sal odilien d(er) voirs(creven)/ joffr(ouwe) odilien haerre docht(er) x grijpen Voert is get(er)mineert/ alse vand(er) haven des voirs(creven) goessens en(de) joffr(ouwe) aleite(n) dat dair/ af de selve goessen te hemw(er)t en(de) ov(er)hebbe(n) sal deen derdel de/ voirs(creven) joffr(ouwe) aleit dand(er) derdel en(de) de voirs(creven) kijnde(re) tderde/ derdel en(de) of e(n)nige donckerheyt hier in geviele so behelt/ de raet vand(er) stat d(aer) in altijt hae(re) v(er)claren en(de) hae(re)/ minde(re)n en(de) v(er)meerde(re)n na dat e(n)nigen inval of ande(re) sake(n)/ in toecomende(n) tiden hier in valle(n) oft geschien mocht/ sond(er) argelist lyemi(n)ge(n) voshem burg(i)mag(ist)ris henrico de/ calstr(is) et dyonisio boys scabinis (et) q(uam)plu(r)ib(u)s aliis de consilio lovan(iensis) dec(embris) ulti(m)a