Item jan van loe van zichne die geleidt is tot allen den haeffliken/ goeden pauwels vuedincs van zichne bastarts in jegewordich(eit) der/ scepen(en) van loven ghestaen heeft bekendt en(de) verlijdt ope(n)bairlic/ dat hij tot den haefliken goeden des voirs(creven) pauwels tot egheenre/ ande(re) meyninghen noch vueghen geleidt en is dan alleene o(m)me/ de kijnde(re) des voirs(creven) pauwels alt(oes) metten voirs(creven) brieve [op hue(re)n cost] gehulpich te/ sijne dat sij bij den hue(re)n bliven moege(n) oft hen yemand der voirs(creven) goede/ ongebruyc doen oft maken woude geloven(de) de selve jan dat hij/ den voirg(enoemde) kijnde(re)n inder maten en(de) vueghen als voirs(creven) is [s...] metten/ voirs(creven) brieve behelpen en(de) bijstendich wesen sall sonder arge list/ so wa(n)neer sij des te doen hebben sullen en(de) sijs van hem bege(re)n/ sonder argelist rogge velde ap(ri)lis vii/