Cond sij allen lieden dat een deylinghe en(de) scheydinghe gedaen en(de)/ gemaect sijnde tuschen henricke willeme ende meester woute(re)/ vanden borchoven gebruede(re) sone henrix vanden borchoven te voren/ uut des selfs henrix huers vaders in behoirliker vormen broede/ gedaen met wille ende consente des selfs vanden goeden/ die den voirs(screven) gebruede(re)n bleven ende verstorven sijn na ende/ bider doet joffrouwe lijsbetten wilen wettich wijfs des selfs/ henrix en(de) moeder der voirs(creven) gebruede(re) ende die hen bliven/ en(de) verschinen sullen te deylen na de doet en(de) tversceiden/ des voirg(noemde) henrix vanden borchoven huers vaders den selven/ henricken den vader sinen wille en(de) consent tot der voirg(enoemde)/ deylingen en(de) scheydingen openbairlic gevende// So es bleven ende ghevallen den voirs(creven) henricken den sone/ in sijn deylinghe de goede g gelegen tot veertrijcke in/ huysen hoven wynnenden landen beemden eeusselen bossche/ wijngarde wate(re)n koeren tsijse renten ende erfpachte/ metten heerscap ende rechte totten selven goeden van veertrike/ behoe(re)nde ende met allen ande(re)n hue(re)n toebehoirten ende/ desgelijcs metten tsijse ende renten gelegen te roesbeke te/ willebringhen ende tot boutershem gelijc ende in alle der manie(re)n de voirs(creven) henric vanden borchoven de vader de/ voirs(creven) goede inde voirs(creven) prochien in alrehande steden en(de) stucken/ aldaer houdende es op alle den commer en(de) last uuten/ voirs(creven) goeden gaende ten behoirliken en(de) gewoenliken tide te/ betalen ende oec op thien mudde corens d(er) maten van/ loven jairlix en(de) erflix pachts vrancken oliviers en(de) joffrou/ katlinen sinen wive zuster der voirs(creven) gebruede(re) uuter voirs(creven)/ deylingen te gheven en(de) te betalen na inhebben der huweliker/ vurweerden daer op gevurweert en(de) gemaect ende
//
vortaen op tsestich pennynghe diemen heet gripen te/ weten veertich placken payments voer elken gripe gereeckent/ jairliker en(de) erfliker renten half tsente jans misse baptisten/ en(de) half te kersmisse den voirs(creven) meester wout(ere)n vanden vo borchove(n)/ en(de) sinen nacomelingen te betalen erflic en(de) eeuwelic hier/ na volgende dyerste betalinge vanden voirs(creven) veertich [tsestich]/ g(ri)pen erfliker renten ten naesten hoeghtide vanden voirs(creven)/ tween hoeghtiden dat staphans wesen sall na de doet/ des voirs(creven) henrix vanden borchoven des vaders en(de) niet/ eer innegaende ende desgelijx noch op twee [een] mudde/ rogs der maten van loven erflix pachts tsente andries/ misse appostels te betalen en(de) tot loven l te leve(re)n den voirs(creven)/ meester wout(ere)n vanden borchoven en(de) sinen nacomelingen/ erflic hier na volgende dyerste betalinge vanden selven/tween mudden rox erffpachts ten yersten sente andries/ misse appostels dat comen en(de) wesen sall na de doet/ joffr(ouwe) yden en(de) lijsbetten vanden borchoven gezuste(re)n der voirs(creven)/ gebruede(re) en(de) nonnen profes inden godshuyse des h(er)togen/ eylant bij ghempe inne gaende en(de) niet eer ende es/ in des(er) deylingen cleerlic gevurweert ende ondersproken/ vanden voirs(creven) thien mudden corens rox erfspachts die/ de voirs(creven) vrancke oliviers en(de) joffr(ouwe) katline sijn wijfs op dit/ gedeelte hebben en(de) behouden als voirs(creven) es so waert also/ gevelt dat de voirs(creven) henric vanden borchoven de sone wettige/ gebuerte heeft na hem te live blivende dat dan de selve/ thien mudde corens erfspachts na doet des voirs(creven) vranx/ en(de) joffr(ouwe) katline(n) sijns wijfs comen en(de) bliven sullen opten/ selven henricken vanden borchoven den soen en(de) oft op sijn/ wettige gebuerte als voirs(creven) es ende so waer de selve/ henric vanden borchoven de soen negheen wettige gebuerte
//
en hadde also voirs(creven) es dat dan en(de) in dien gevalle/ de voirs(creven) x mudde corens erfspachts na doet des/ voirs(creven) vranx en(de) joffr(ouwe) katlinen sijns vijfs also wale en(de) gelijc/ opten voirs(creven) willem(me) en(de) meester wout(ere)n vanden borchoven/ gebuerten als op den selven henricken hue(re)n brueder bliven/ en(de) comen sullen Item sijn noch ghevallen den voirg(enoemden)/ henricken vanden borchoven den sone in sijn deylinge den/ erftsijs en(de) erfpacht h(ier) na gesc(reven) inden iersten vijf cronen d(er) mu(n)ten sconinx van vrancr(ijc) van goude goet/ en(de) gheeve jairliker en(de) erfliker renten te kersmisse/ te betalen eewelic en(de) erflic h(ier) na volgende aen en(de)/ op de woenynghe metten huysen hoven en(de) allen hue(re)n/ toebehoirten voe(r) en(de) achter gelegen tot loven inde proefstrate/ bij dr traemstraetken de welke den voirs(creven) willem(me) vande(n) borchoven gevallen es in sijn deylinghe Item een mudde/ rox der maten van loven jairlix en(de) erflix pachts te behoirliken/ en(de) gewoenliken tide te betalen aen en(de) op huys en(de) hof met sinen/ toebehoirten henrix smeets beckers gelegen te loven inde hoelstrate/ ende es in deser deylingen ghevurweert dat de voirs(creven) joffr(ouwe)/ yde en(de) lijsbeth gezuste(re)n ende de leste levende van hen daer uut/ hebben en(de) behouden zullen hue(re) leefdage langc en(de) niet lang(er) de/ renten en(de) erfpachte hier na bescreve(n) inden iersten sesse rijnssche/ gulden(en) erfliker renten aen en(de) op zeke(re) goede en(de) pande arnts de/ wilde gelegen inde prochie van veertrike bider kercken aldaer/ Item tvoirs(creven) mudde rox erfs pachts aen en(de) op thuys en(de) hof des/ voirs(creven) henric smeets gelegen gelijc staphans voirscr(even) es welke/ sesse gulden erfliker renten en(de) dmudde rox erfspachts t(er) stont/ voirscr(even) na de doet vanden lesten levende der voirs(creven) joffr(ouwen) yden/ en(de) lijsbetten wed(er)omme comen sall totten voirs(creven) henricken vanden/ borchoven den sone oft tot sinen nacomelinghen behoudelic
//
in deser deylinghen den voirs(creven) henricke vanden borchoven den vad(er)/ sijn vry en(de) geheel tocht// Item es hier na ghevallen den voirs(creven) willem(me) vanden borchoven in/ sijn deylinghe de goede hier na bescreve(n) inden iersten/ de goede gelegen te lybbeke in huysen hoven wynnenden landen/ beemden eeusselen wate(re)n bosschen coren tsijnse renten en(de)/ erfpachte metten rechte en(de) heerlich(eyden) daer toe hoe(re)nde en(de)/ met allen hue(re)n toebehoirten gelijc de voirs(creven) henric vanden borchove(n)/ de vader de voirs(creven) goede aldaer in alrehande steden en(de)/ stucken houdende es metten chijnse en(de) manscap te pelle(n)berch/ en(de) te rode bij cortelke gelegen op alle den co(m)mer en(de) last/ uut den voirs(creven) gedeelte gaende te behoirliken tide te betalen/ ende vortaen op veertich g(ri)pen te weten xl placken pay/ ments voer elken gripe gereeckent jairleecker en(de) erfleeck(er)/ renten half tsente jans misse baptisten en(de) half te kersmisse te/ betalen meester wout(ere)n vanden borchoven voirscr(even) en(de) sinen naco/ melinghen . erflic h(ier) na volgen(de) dyerste betalinge vanden/ voirs(creven) xl g(ri)pen erfrenten ten naesten hoeghtide vanden twee/ hoeghtiden voirscr(even) dat wesen sall na de doet des voirs(creven)/ henrix des vad(er)s inne te gaen en(de) niet eer Item sijn/ noch gevallen den voirs(creven) willeme vanden borchoven in sijn dey/ linghe de goede hier na gescreven inden iersten thuys metten hove/ en(de) met alle sinen toebehoirten voer end achter gelegen te loven inde/ proefststrate neven traemstreetken op alle trecht en(de) commer/ daer voer uutgaende ten behoirliken en(de) gewoenliken tide te betalen
//
ende vortaen op vijf cronen der mu(n)ten/ sconincx van vrancrijc goet van goude ende/ swaer van gewechte jaerliker ende erfliker renten/ te kersmisse te betalen eewelic ende erflic hier na/ volgende den voirs(creven) henric vanden borchoven sinen/ brueder en(de) sinen nacomelingen gelijc voirscr(even) steet/ met alzulker vurwerden dat de selve willem vanden/ borchoven de voirs(creven) vijf cronen erfliker renten quiten/ en(de) lossen mach so wanneer hem dat genueght te/ weten elken pennync met twintich pennynghen gelik(er)/ munten en(de) weerden en(de) met volder renten Item/ twee vierendeel wijngarts gelegen op de calchoven/ strate neven de goede anthonijs van langrode op/ dese vueghe ende vurweerde dat de voirs(creven) joff(rouwe)/ yde en(de) lijsbeth vanden borchoven nonnen voirscr(even)/ oft de langcste levende van hen beyden jaerl uut/ deser deylingen hebben en(de) behouden zullen de goede/ en(de) renten h(ier) na gescreven inden yersten eenen/ beemt geheten den strijtbeemt ende eenen beemt/ geheten den cleynen beemt daer bij gelegen die/ jan busscop houdende es Item anderhalven rinsch/ gulden(en) erfliker renten op zeke(re) goede en(de) pande/ gelegen inde p(ro)chie van rode bij cortelke bij/ also so wanneer de voirs(creven) joffr(ouwe) yde en(de) lijsbeth ghe/ zuste(re)n beyde van live t(er) doet comen sullen sijn dat/ dan dese voirs(creven) goede ende renten tot op den voirs(creven)/ willeme hue(re)n brueder en(de) sinen nacomelingen weder/ keeren zullen behoudelic den voirs(creven) henricke vanden/ borchoven den vader in [al] dit gedeelte des voirs(creven)/ willems sijn vrye tocht Item [vacat]
//
Item dan sijn ghevallen den voirs(creven) meester/ wout(ere)n vanden borchoven in sijn deylinghe de/ erfrenten h(ier) na gescr(even) inden iersten de voirs(creven)/[tsestich] veertich gripen te weten veertich placken pay/ ments voer elken gripe gereeckent jairliker/ en(de) erfliker renten te betalen ten t(er)mijnen [ende op de vueghe] boven/ vercleert aen ende op [tvoirs(creven)] tghedeelte des/ voirs(creven) henrix sijns brueders te veertrike/ gelegen Item viertich g(ri)pen weerden voirscr(even)/ jairliker en(de) erfliker renten te betalen oec/ ten t(er)mijnen voe(r) vercleert en(de) op de vueghe/ voe(r) vercleert aen en(de) op [tvoirs(creven)] ghedeelte des/ voirs(creven) willems vanden borchoven sijns brued(er)s/ gelegen te lybbeke gelijc voirscr(even) es Item/ es noch gevallen den voirs(creven) meester wouteren/ vanden borchoven in sijn deylinghe een mudde/ rogs der maten van loven jairlix en(de) erflix/ pachts te behoirliken en(de) gewoenleecken tide/te betalen tsente andries messe appostels te/ betalen erflic h(ier) na volgen(de) aen en(de) op tghedeelte/ voirs(creven) des voirs(creven) henrix vanden borchoven sijns brued(er)s/ dyerste betalinge d(aer) af inne te gaen staphans/ na de doet der voirs(creven) joffr(ouwen) yden en(de) lijsbetten/ sijnre zuste(re)n en(de) niet eer behoudelic den/ voirs(creven) henricke vanden borch(oven) den vader in desen gedeelte/ voirscr(even) oec sijn vrye tocht gelijc voirscr(even) steet
//
Dese deylinghe aldus wettelic gesciet/ sijnde hebben geloeft de voirs(creven) henric willem/ en(de) meest(er) wouter vanden borchove(n) v gebruede(re)/ voirscr(even) deen den ande(re)n tot eewigen dagen/ vast en(de) ghestentich te houden elc van een/ yegelic van hen jegen den ande(re)n en(de) sijn gedeelte/ metten halme wittelic vertijende en(de) renu(n)cie(re)nde/ h(ier) wae(re)n over jan van oppendorp en(de) arnt/ boen scepen(en) van loven gegeven seven dage/ in decembri int jae(r) ons hee(re)n dusent drie [vier]/ hondert drie en(de) dertich
//