Ende es vanden selven scoutbrieve tuschen de voirs(creven) p(ar)tijen cleerlic/ gevorweert en(de) ondersproken dat de voirs(creven) jan gielijs toecht va(n)den/ selven brieve niet vorde(re)n en sall het en wa(r)e dat de schulders/ beide voirs(reven) gebreckelic vonden worden en(de) niet en voldaden/ alzulken werc als sij genomen en(de) onderstaen hebben vanden/ voirs(creven) janne gielijs te wercken aen alle de molen(en) [de sluysen en(de) arcke] mijns gened(ichs)/ hee(re)n van brabant ene(n) t(er)mijn v bynnen loven gelegen ene(n)/ t(er)mijn van ii jae(re)n na den date des(er) l(ette)ren sond(er) middel volgen(de) in/ alle der maten jan gielijs tselve werc van lodewijcke den rike/ rentm(eeste)r m(ijns) gened(ichs) hee(re)n voirs(creven) te loven genomen hadde den/ voirs(creven) t(er)mijn te wercken sond(er) argelist eisd(em)