It(em) want jan sterx van herssele onse porte(r) inhadde doen/ scrive(n) tot loeven int recht te comen reyne(re)n van olmen/ en(de) wille(m)me fiermans om have(n) wille die de vors(creven) reyn(er)/ en(de) willem hadde(n) tot herssele doen raste(re)n de(n) vors(creven) janne toe/ behoe(re)nde en(de) de selve jan tot sine(n) daghe niet comen en is/ So hebbe(n) de scepen(en) va(n) loeve(n) bi mae(n)nisse(n) smeyers van/ loeve(n) gewijst voe(r) een vonnisse dat de vors(creven) reyn(er) en(de) willem/ na dat de vors(creven) jan niet come(n) en is hae(r) recht voert/ wede(re)n mogen t(er) plaetse(n) daer si dat begonne(n) hadde(n) eisdem