It(em) beatrijs weduwe marsielijs wilen van doerne et jan hae(r)/ sone hebben gegeven en(de) bekendt dat sij gegeven hebben everarde/ van doerne de goede d(er) selver beat(rij)sen en(de) janne ha(r)en sone toebehoe(re)nde/[gehete(n) van hudsberghe] in huyse(n) hove(n) wynnende(n) lande(n) beemden en(de) eeuselen en(de) met allen/ ha(r)en toebehoirte(n) gelegen inde p(ro)chie van doerne en(de) van tot vlierde(n) gelege(n)/ Te houden te hebbe(n) en(de) te wynnen van pinxtdaghe naest comende/ ene(n) t(er)mijn van thien ja(r)en lanc duerende deen na dand(er) staphans/ sond(er) myddel volgende elx jaers daer en bynne(n) op alle den tsijs en(de)/ co(m)mer daer voe(r) uutgaende ten gewoenlike(n) en(de) behoulike(n) tide te betale(n)/ En(de) voertaen om thien mudde rogs goede en(de) payabel d(er) maten/ van loeven alle ja(r)e den voirs(creven) t(er)mijn duerende tons(er) vrouwen daghe/ purificat(i)o te betale(n) en(de) tot loeven te leve(re)n en(de) telken t(er)mijn/ alse v(er)volghde schout En(de) is vorw(er)de dat de vors(creven) ever(art) de/ voirs(creven) goede wel en(de) loflic de(n) selve(n) t(er)mijn duerende wynnen en(de) / w(er)ven sal gelijc sine(n) reengenoten boven en(de) beneden en(de) des is burge [des vors(creven) ever(arde)]/ alse p(ri)ncipael schulder henr(ic) van doerne sijn brueder den/ welke(n) de vors(creven) everart geloeft heeft hier af scadeloes en(de) co(m)merloes/ te houden en(de) tontheffen wille(m) lomb(ar)t abs(oloens) ap(ri)lis xiii