SAL7728, Act: R°61B.1 (51 of 374)
Search Act
previous | next
Act R°61B.1  
Act
Date: 1441-05-05

Transcription

2019-10-09 by Frans Feyaerts
Wir burg(er)meiste(r) scheffen(en) ind rait des buriglichen? stals der stat aiche doen cont allen luden den dese onse brieff/
vurkomen sal ind sonderlinge(n) den eirsamen unsen besond(ere)n guden vrunden den meyer scheffen(en) ind gerichte der guder/
stat zo loeven bekenne(n) ind tzugen dat vur uns kome(n) ind erschene(n) is drude elige huysfrauwe wilne wilhems van/
hulten seliger gedacht unse ingesessen burgersse ind hait vur uns mit yre(n) vurraide ind guden willen joest van hulte(n)/
yrre brider eligen sone bewijser dis briefs upgedrage(n) ind volcome(n) moige ind macht gegeven by uch zo vorderen/
inzowerven ind zo untfangen sulge su(m)me geltz als johan vanden velde der jonge deine vurg(enoemt) wilhem vurtzijden bynne(n)/
urre stat bekant hait ind schuldich is bleven van vierhondert rijnsche(n) gulden(en) jairs mit termijne(n) zobetzalen yecligs/
t(er)mijns tzien gulden(en) als als wir verstaen dat in iere stat boiche betzeichent ind bekant sij also dat derselve joest/
umb dat gebrech derselver su(m)men geltz mynlich off richtlich dedinge(n) mach die upzoheve(n) end darvan quita(n)cie zo/
geven ind damede vort zovaren zodoen ind zolaisse(n) gelijch drude sijn moider vurg(enoemt) doen sulde ind moichte off/
sij selve uutgecuwerdich we(re) ind bekent dat man des by eine van yren weg(en) gentzlich geweyrt sulle sijn ungever/
lich ind sonder argelist ind bidde(n) daro(m)me ure eirberheit demselve(n) joest day(n)ne by uch behulplich zosijn dat yeme darvan/
guitlige uffrichtunge geschien ind onser bede(n) genyessen moge daan doet ir uns dencklich ind wir willen dat in/
gelijche(n) off meirren sache(n) die ir an uns begeren mucht alwege g(er)ne wiederomb erkennen ind verschulden urkunde/
onser stede segels herbynne(n) up spaciu(m) des briefs gedruckt Geg(even) ind geschiet inden jae(re) onss h(e)ren duysent/
vierhondert indeynindviertzich des yrste(n) daigs inde(n) maende meye
ContributorsMi-Je Van Gils , kristiaan magnus
Moderated byMi-Je Van Gils
Last update: 2016-02-09 by xavier delacourt