Ite(m) want jan van oestvorst de jonghe die uut macht van/ scepen(en) brieve(n) van loeven comen is tot allen den goeden/ dorpen en(de) heerlicheiden des edelen jonck(er) jans he(re) tot wesemale (et)c(etera)/ in deen side en(de) gielijs trissene(re) die na den recht den voirs(creven)/ stat van loeven come(n) en(de) geleydt is tot alle(n) den goeden jans/ wile(n) baten van herssele in dande(re) nu onlanx voe(r) meye(r) en(de) scepen(en)/ van loeven in recht geweest zijn om trecht vand(er) haegh[haef]scoute(n)/ die de(n) vors(creven) joncker van wesemale v(er)vallen soude sijn also de/ voirs(creven) jan van oestvorst meyndde bi dade des vors(creven) wile(n) jans/ baten en(de) wilen janen sijns wijfs die nat(uer)lic en(de) bastart was/ inde goede beyde have en(de) erve die bleven sijn acht(er) den vors(creven)/ wile(n) janne en(de) janen sine(n) wive en(de) de vors(creven) p(ar)tijen inden/ rechte aldair hae(re) bescheyt elken tot sinen recht dienende
//
also hi meyndde opgedaen en(de) gealligeert hadde En(de) de sake(n) also/ v(er)re v(er)handelt worden dat bi mae(n)nissen smeyers van loeve(n) de/ scepen(en) va(n) loeve(n) de p(ar)tijen metten vonnisse sette(n) inden rade/ vand(er) stat va(n) loeven En(de) noch dese handelinge aldus verre/ geschiet zijnde So es nochta(n) de vors(creven) gielijs trissene(re) vanden/ voirs(creven) saken metten voirs(creven) janne van oestvorst eens en(de) van/ accorde worden Daer om eest dat de vors(creven) gielijs comen is/ voe(r) scepen(en) van loeven hem vande(n) vors(creven) gedinge en(de) vande(n)/ vonnisse dat de scepen(en) van loeve(n) d(aer) op gewijst hadde(n) d(aer)/ mede de vors(creven) p(ar)tijen gelijc vors(creven) is ind(er) stat hande gesett/ worde(n) openbaerlic acht(er)vellich kennende en(de) voert claerlic/ lyende dat hi alle die erflike goede also v(er)re als die toe/ behoe(re)n mochte(n) der vors(creven) wile(n) janen wettelic gecocht hadde/ jegen den vors(creven) janne van oestvorst als voe(r) trecht/ vand(er) haegh[haef]scoute(n) voirsc(reven) En(de) bekennende voert de/ voirs(creven) gielijs trissene(re) dat hi des gelijx oec jegen de(n)/ vors(creven) janne van oestvorst als voe(r) trecht vand(er) haegh[haef]/ scoute(n) voirs(creven) gecocht en(de) gecregen hadde half de have/ die bleef na de(n) vors(creven) wile(n) janne bate(n) want hi sond(er)/ wettige geboirte starf en(de) des gelijx alle de have/ die bleef na de doet der vors(creven) wile(n) janen sijns/ wijfs want si bastart en(de) nat(uer)lic was gelijc/ voirs(creven) is absoloens vynck febr(uarii) q(ua)rta/