Cond sij allen lieden dat jan vanden nethelen sone gielijs wile(n)/ vanden nethele(n) in jegenwordicheyt d(er) scepene(n) van loeven gestaen heeft/ openbaerlic mechtich gemaect andriese en(de) servase vande(n) nethele(n) sinen/ bruede(re)n dat de selve andries en(de) servaes heffen boeren en(de) tot ha(r)en/ vryen wille beke(re)n moghe(n) alsulke(n) thien sacken rogs d(er) maten van thiene(n)/ te wete(n) vi halst(er) d(er) selv(er) maten voe(r) elke(n) sack gerekent jaerlex en(de)/ erflex pachts als kath(er)ine weduwe servaes wile(n) van byvorde ouder/ moeder der selver gebruede(re) den voirs(creven) wile(n) gielise ha(re)n vad(er) met/ wilen kath(er)inen sinen wive dochter der selv(er) kath(er)ine(n) en(de) moed(er) der/ vors(creven) gebruede(re)n in huwelik(er) vorw(er)den voertijts gegeve(n) heeft/ also langhe als de vors(creven) ha(r)e oud(er) moed(er) leven sal sond(er) de(n) vors(creven)/ janne hier en bynne(n) hier yet d(aer) af te hebbe(n) of te eysschen/ eisd(em) keert noch o(m)me