Item want margriete die wijf es laureys vander berct nu bider/ stat bracht en(de) gethoent heeft dat hue(r) nu onlanx by doede/ jannen wilen van werchte(re) hue(re) moeder aencomen en(de) gh/ verstorven sijn alrehande goede gelegen te ryemenam ende/ te werchte(re) en(de) dat de voirs(creven) laureys hue(re) man die eenen/ langhen tijt van quaden en(de) wilden regimente geweest es/ en(de) van hue(r) gheseten heeft huers negheen gade slaende/ in wille wesen soude scepen(en) brieve van loven te maken/ o(m)me hue(r) en(de) hue(re) beyd(er) kynt d(aer) mede te mael tontgoede(n)/ en(de) tonterven dwelc ummer onvuechlic wesen soude na/ dat de voirs(creven) margriete en(de) hue(re) dochter sijns niet te bat/ gehadt en hebben D(aer) omme eest dat overdraghen es/ datmen den voirs(creven) laureyse met enighen brieven die hij gemae/ heeft oft namaels maken mach op de goede die der voirs(creven) m(ar)griete(n)/ inder manie(re)n als voirs(creven) es aengestorven sijn gheenrehande recht/ noch behulp van rechte doen en sall het en sij dat de voirs(creven) laureys/ tyerst en(de) voe(r) bider selver margrieten sitten sall en(de) hue(r) doen/ als een goet mans sculd(ich) es sinen wive te doen oft [ende] dat de stat/ daer and(er)s op gheordineert sall hebben cor(am) lye(mingh)[en] burg(imagistro) (et) q(uam)plu(r)ib(us)/ aliis (et)c(etera) julii xix/