Ite(m) want opten dach van heden biden rade d(er) stat va(n) loeven/ comen is henric van bastenaken als wittich man voeght en(de) mo(m)bour/ joff(rouwe) lijsbetten van frankenb(er)ch thoenende en(de) opdoende dat jonck(er)/ wille(m) greeve te zeyn en(de) he(re) van s(en)t aeghten rode en(de) joffr(ouwe) kath(er)ine/ van schoenvorst sijn wettige gesellinne beyde salig(er) gedenckenissen hem/ metter vors(creven) joffr(ouwen) lijsbette(n) in huwelik(er) vorw(er)den deden vergade(re)n ende/ daer na in en(de) d [toe] in puerre ghichten gaven dusent gulden(en) te/ heffen na de doet des voirs(creven) joncke(re)n van zeyne en(de) m(ijn) joffr(ouwen) zijnre/ gesellinnen of hondert gulden jaerlex d(aer) voe(r) op de goede ende/ heerlicheyt van s(ent) aeghten rode gelic seke(re) scepe brieve d(aer) op/ gemaect dadt claerliker uutwisen en(de) begripe(n) En(de) de vors(creven) henric van/ bastenake(n) den rade vand(er) stat va(n) loeven bat dat na dien dat henr(icken)/ vanden vekene meye(r) va(n) sent aeghten rode en(de) lodewijc die vanden/ vors(creven) saken wael te spreke(n) wist en(de) lodewijc wilen roelant na den/ recht d(er) stat va(n) loeve(n) comen en(de) geleydt wae(re)n tot de(n) goede(n) en(de)/ heerlicheyden van sent aeghten rode vors(creven) die op die tijt beyde voe(r)/ oghen wae(re)n indien hebben woude en(de) also guetlic ond(er)wisen dat si/ de brieve d(aer)mede dat sij tot de(n) vors(creven) goede(n) comen wae(re)n ond(er) hen/ behoude(n) wouden en(de) niet ov(er)geven de(n) vors(creven) henricke(n) va(n) bastenaken/ en wae(re) genoech geschiet van sijnre ghichten voirscr(even) En(de) de vors(creven)/ henric vande(n) vekene [die vanden sak kendde en(de) lijdde dat hi vanden vors(creven) saken wael te spreke(n) wist en(de) daer bi was daer die geschieden] en(de) lodewijc roelant de jonghe inde(n) name/ vande(n) vors(creven) wile(n) lodewiken sinen vad(er) op de beg(er)te des vors(creven) henrics/ van bastenaken antwerden dat wae(r) wae(re) dat ene(n) dach aengenomen/ en(de) begrepe(n) wae(re) vande(n) mage(n) vriende(n) en(de) erfgename(n) des vors(creven) joncke(re)n/ van zeyn en(de) m(ijn) joffr(ouwe) sijnre gesellinne(n) van hae(re)n goeden en(de) heerlic/ heyde(n) Tot welke(n) daghe sij den vors(creven) henricke(n) van bastenaken baden/ te come(n) en(de) hem met hem vande(n) vors(creven) saken te dedingen Worde hi/ des met hen eens dat wae(re) he(m) lief en(de) daer wae(re)n si mede tevreden/ En(de) of des [dan] niet en geschiede so wouden si de(n) selve(n) henricke(n) van/ bastenake(n) doen en(de) daer toe helpen alle tgheen des si van gods
//
ende rechts wegen sculdech wae(re)n te doen Daer om eest dat/ dit geregistreert es dat de raet vand(er) stat na gelegenheyt/ vander saken op dat dat also geboerde en(de) p(ar)tijen v(er)sochte(n) hen/wete(n) daer na van rechts wege(n) wete(n) mogen te richten cor(am)/ consilio lov(aniensis) ap(ri)lis vi anno xxxiiii/