Ite(m) want wout(er) van belanden(en) dieme(n) heet de mu(n)te(re) als voirscr(even) steet/ na den recht d(er) stat van loeve(n) geleydt is tot den goeden jans van/ babilonien va(n) wiltsele jans en(de) henrics sijnen sone so waer die gelege(n)/ zijn Daer om eest dat de selve wout(er) come(n) is voe(r) scepen(en) va(n) loeve(n)/ en(de) heeft bekendt en(de) v(er)lijdt openbairlic dat de vors(creven) jan va(n) babilonien/ de vad(er) de voirs(creven) goede geheellic en(de) al tot sijnre vryer tocht/ sijn leefdage lanc hebben en(de) behoude(n) sal niet wed(er)staende de(n) beleyde/ voirs(creven) en(de) dat de selve wout(er) mette(n) vors(creven) beleyde niet w(er)ken en sal/ also lange als de selve jan de va(er) leeft ten wa(r)e dat de vors(creven) jan/ van hem des begheerde of dat hi en(de) sijn kijnde(re) de vors(creven) goede of/ e(n)nich van hen v(er)copen belaste(n) beco(m)me(re)n of e(n)nichsins v(er)ande(re)n wouden/ het wa(r)e met beleyde oft anders dat dan de vors(creven) wout(er) dat met/ desen beleyde voirs(creven) soude mogen wezen En(de) geboret also dat de/ vors(creven) jan de vad(er) aflivich worde so is dan oec vorwerde dat/ de vors(creven) wout(er) mette(n) vors(creven) beleyde op de vors(creven) goede niet vorder/ of hog(er) werken en sal dan de vors(creven) jan en(de) henric gebruede(re)/hem [of] ter goed(en) meyninge(n) den vors(creven) woute(re)n en(de) sinen wive of den/ ene(n) van hen van wittig(er) schout sculdich sal sijn sond(er) argelist/boy vynck voshem sept(embris) xv