SAL7728, Act: V°228.3 (204 of 374)
Search Act
previous | next
Act V°228.3  
Act
Date: 1435-01-22

Transcription

2020-01-27 by Frans Feyaerts
Item want claes van langele dieme(n) heet vande(n) opstalle/
voermaels gecocht heeft jegen brued(er) emont leemans brued(er) des/
convents vande(n) augustine(n) te loeve(n) en(de) gheertruyd(en) leemans/
sijnre zust(er) de tocht die sij houdende wa(r)en aen twee sacke(n)/
tarwen der maten van thiene(n) op seke(re) goede en(de) pande te/
gate ond(er) theerscap van meldert gelege(n) gelijc henric de wyn/
die houdende es En(de) sij d(aer)af die tocht den he(re) inde hant ge/
drage(n) hebbe(n) en(de) daer na de voirs(creven) claes [en(de) marselijs sijn soen] opte(n) wissel d(er) stat van/
loeve(n) gesett hebbe(n) xviii peters nu gemeynlic cours hebbende/
om dat gelt tot des vors(creven) brued(er) emonts en(de) sijnre zust(er) behouf/
daer om eest dat de vors(creven) gheetruyt inden name van ha(r)e/
en(de) vande(n) vors(creven) [brued(er)] emonde ha(r)en brued(er) come(n) is voe(r) scepen(en) van loeve(n)/
en(de) heeft tvoirs(creven) ghelt v(er)borght met mathijse en(de) jose leemans/
ha(r)en bruede(re)n te dien eynde of in her de vors(creven) claes en(de)/
marsielijs sijn sone of die een van hen hier af met recht yet/
wonne(n) oft datme(n) bevonde dat brued(er) emont en(de) geertruyt sijn/
zust(er) hier toe niet genoech gedae(n) en hadde of dat de comanscap/
mette(n) rechte te nyeute moeste gaen dat si dat voldoen souden/
of tvoirs(creven) ghelt wed(er)ke(re)n op dat dat also quame cor(am) vynck/
voshem januarii xxii
ContributorsMi-Je Van Gils
Moderated byMi-Je Van Gils
Last update: 2016-02-09 by xavier delacourt