It(em) want stoet en(de) tebat opv(er)staen is geweest tussche(n)/ henricke(n) gheerts in deen side en(de) wille(m)me groetheyns als/ borghe jans wilen groetheyns sijns vaders van alsulken/ woerd(en) als de vors(creven) henric meyndt dat de vors(creven) wile(n)/ jan op sine eer gesproken soude hebben te wete(n) dat
//
dat de vors(creven) willem geloeft soude hebben te voldoen tgheen/ des tvonnisse vande(n) vors(creven) woerde(n) wisen soude in dande(re) So/ sijn de vors(creven) p(ar)tijen des come(n) voe(r) scepen(en) va(n) loeve(n) en(de) hebben/ hen van desen stote v(er)bonden en(de) ghesubmitteert te wete(n) de/ vors(creven) henr(icke) gheerts in janne en(de) henricke(n) vande(n) borchove(n)/ gebruede(re)n en(de) de vors(creven) hen willem groetheyns in jacob/ uute(n) lyemi(n)ghen burg(er)meest(er) va(n) loeve(n) en(de) henricke(n) vand(er)/ calstren op also dat de vors(creven) p(ar)tijen vanden vors(creven) goeden stote/ elc sijn bescheyt eysch en(de) v(er)antw(er)den bide vors(creven) segge(re)n brenghen/ selen tusschen dit en(de) derthien dach naest comende bynne(n)/ welke(n) tide de selve segge(re)n hae(r) seggen uutene(n) en(de) seggen/ selen op dat sijs eens en(de) van accorde gewerden conne(n) En(de) so/ wae(r) si des bynne(n) de(n) selve(n) tide niet eens gewerde(n) en(de) co(n)nen/ so selen de selve segge(re)n van des(er) saken ene(n) ov(er)man nemen/ en(de) kiesen die(n) si alle tgheen des voe(r) hen come(n) is ov(er)gegeven/ en(de) bib(ri)ngen selen welc ov(er)man sijn segge(n) vand(er) vors(creven) saken uut/ spreken en(de) p(ro)nu(n)cie(re)n sal bynne(n) xiiii nachte(n) d(aer) na sond(er)/ myddel volgende En(de) hebbe(n) geloeft de vors(creven) p(ar)tijen vast / en(de) gestetich te houden so was de vors(creven) segge(re)n oft ov(er)man/ vanden vors(creven) sake(n) spreken en(de) uutseggen sele(n) oft sal sond(er)/ argelist vynck boys dec(embris) xi