Ite(m) want wout(er) hozen van beckenvoert opte(n) dach van heden comen/ is voe(r) den rade d(er) stat van loeven en(de) heeft daer laten sien en(de)/ bliken ii scepen(en) brieve va(n) loeven te wete(n) ene(n) scoutbrief en(de) enen/ beleydtbrief daer mede jan wile(n) der kijnde(re)n de jonghe vand(er) nuw(er)/ capelle(n) en(de) willem vande(n) wynkele van goethuysen come(n) en(de) geleidt/ wae(re)n tot de(n) goeden willems vos van nuwercapelle(n) seggende/ dat de zeghele vanden voirs(creven) twee brieve(n) bi ene(n) sine(n) jonge(n) kijnde/ out sijnde iii jae(re) af dair omtrent bi rechte(n) ongheval en(de) uut puerre/ a(n)noeselheide(n) afgetoghe(n) wae(re)n sond(er) den voirs(creven) wout(er) hozen d(aer) af yet/ te weten oft van yemande d(aer) af gheinformeert te sijn en(de) dat/ ind(er) waerheyt in dit stuck negheen argelist fraude noch quaetheyt/ gelege(n) en ist mer dat na sine beste wetentheit tvoirs(creven) jong kijntt/ det voirs(creven) zegele afgetoge(n) heeft in rechter kijnsheit Op dwelc/ de raet vander stat den voirs(creven) woute(re)n ten heyligen dede eyden die/ openbairlic hielt bi sine(n) eede dat dit aldus geschiet wae(re) en(de) and(er)s/ om negheenre sake(n) wille Also dat na dien de raet vand(er) stat/ v(er)droegh datmen den voirs(creven) woute(re)n hoze nuwe brieve maken/ soude en(de) wed(er) besegele(n) hem seggende so waermen de (contra)rie/ hier af bevonde datmen dat houden soude aen sijn lijf en(de) aen/ sijn goet cor(am) lyemi(n)ghen capelleman burg(i)mag(ist)ris cu(m) pleno/ consilio julii ix anno xxxiiii