Item want jan uut(er)helecht van tieldonc lodewijcs sone voe(r) den rade vander/ stat geseeght en(de) aenbracht heeft dat hem in tiden voirleden ontkeert/ en(de) jegen sine(n) danck ontvreemdt zijn sijn haeflike goede gelt [erf] scepen(en) brieve/ en(de) ande(re) daer bij hij verderfliken scade genomen heeft En(de) wae(re)n hi en(de)/ sijn kijnde(re) te gronde gescapen verderft te sijn op dat gheen behoirlike/ remedie voertgekeert en worde vanden erfbrieve(n) voirscr(even) En(de) badt d(aer) om/ de selve jan den rade vand(er) stat want hi geseten wae(re) onder dbedrijf/ en(de) hoetvonnisse van loeven en(de) hi een porter d(er) stat van loeven wae(re)/ dat de stat hier op behoirlike(n) raet voertke(re)n woude Welc raet/ tot sijnre redeliker beden geneyght sijnde heeft doen visite(re)n de p(ro)tho/ collen der scep(en)en van tieldonc daer onder de erfbrieve des/ voirs(creven) jans die hem ontkeert en(de) ontvreemdt zijn al meest ghe/ maect wae(re)n Daer in men openbaerlic bevonden heeft dat de/ selve jan gegoedt en(de) gheerft es inde porcheele(n) en(de) goede gelijc
//
die hier na verclaert staen Inden yersten in drie dachmael lants/ gelegen opt jans velt tussche(n) de goede jans vande(n) tymple en(de) de goede/ jans switte(n) henrics sone Ite(m) die de vors(creven) jan v(er)creegh jege(n) aleite(n) switte(n)/ Dwelc geschiede int jae(re) xiiii[c] v thien daghe in octobri Ite(m) in i(½) dach(mael)/ lants gelegen opt vors(creven) velt tussche(n) de goede jacob robijns en(de) de goede/ henrics van diependael die de selve jan v(er)creegh jege(n) de(n) vors(creven) jacob/ robijns en(de) kath(er)inen sine(n) wive int jae(r) xiiii[c] xiii vier in decembri Ite(m)/ in i(½) dachmael en(de) xiiii roeden lants gelege(n) d(aer) bi tussche(n) de goede des/ vors(creven) jans uut(er)helecht en(de) de goede arnts van bullenstate(n) die hi v(er)creegh/ jege(n) henricke vande(n) vekene gehete(n) van diependael en(de) kath(er)ine(n) sinen wive/ int jae(r) xiiii[c] xv xxvii daghe in decembri It(em) in [een half mudde rogs erflic aen en(de) op] een half boend(er) lants vrancs/[de witte] gelege(n) opten papendriesch tussche(n) de goede des vors(creven) jans uuterhelcht/ en(de) de goede thuys vander banck v(er)crege(n) jege(n) de(n) selve(n) vrancken int jae(re)/ xiiii[c] xvi drie xiii daghe in septembr(i) It(em) in i(½) dach(mael) lants en(de) x roeden/ gelege(n) opte cromleepse tussche(n) de goede henric gheerts en(de) de goede jans/ van bullenstrate(n) die hi v(er)creegh jege(n) mathijse de witte(n) gheerts sone/ anno xiiii[c] xvii xxvi daghe in junio Ite(m) in iiii(½) dachmael en(de)/ xxx roeden lants gelege(n) daer bi opte cromleepse voirs(creven) tussche(n)/ de goede des vors(creven) jans uut(er)helecht en(de) de goede jans van bullenstrate(n)/ v(er)crege(n) jege(n) janne de witte(n) arnts sone int jae(re) he(re)n xiiii[c] xvii/ xx daghe in julio It(em) in drie dachmael lants gelege(n) opt jans velt/ aende strate tussche(n) de goede jans uut(er)helecht voirs(creven) en(de) jans vand(en) tymple/ It(em) in een dachmael lants gelege(n) op breedzijp tussche(n) de goede peters/ vand(er) elst en(de) alite(n) switten die hi v(er)creegh jege(n) machtelde(n) switte(n)/ werdynne(n) wile(n) was arnts witten wille(m)me arnde en(de) henricke(n) hae(re)n sone(n)/ janne de mol kath(er)ine(n) sine(n) wive janne van muyswinckel en(de) lijsbetten/ sine(n) wive int jae(re) xiiii[c] xix xx daghe in julio Ite(m) in drie dach(mael)/ lants gelege(n) opt goetha(m)mervelt tusschen de goede willems vand(er) borch/ en(de) de goede jans kemerlinx It(em) inde helecht van ene(n) halve(n) boender/ en(de) xxv roede(n) eeusels gelege(n) daer neven tussche(n) de goede des vors(creven)/ jans uut(er)helecht en(de) jans smacht v(er)crege(n) jege(n) geertruyde(n) switten/ docht(er) gheerts wilen switten anno xix xx daghe in janua(r)io It(em) in/ een gedeelte van ene(n) stuck erfs ond(er) eeusel en(de) lant geleghen opte
//
cromleeps tussche(n) de goede des vors(creven) jans uut(er)helecht in beyde(n) siden/ v(er)crege(n) jege(n) janne vand(er) hofstat dieme(n) hiet van ha(m)me en(de) m(ar)griete(n)/ sinen wive int jae(r) xiiii[c] xxx xiii daghe in julio It(em) in i(½)/ dach(mael) lants gelege(n) opt jans velt tusschen de goede des huys vand(er)/ banc en(de) arnts van bullenstrate(n) jans sone was v(er)crege(n) jege(n) goerde/ lyedens en(de) lijsbetten sinen wive int jae(r) xiiii[c] xiii viii dage/ in novembri Seggende en(de) opdoende noch de vors(creven) jan uut(er)helecht/ dat hi de vors(creven) goede geheelic en(de) al wael en(de) wittelic gecocht en(de)/ v(er)cregen hadde en(de) dat hi daer in gelijc de p(ro)thocolle(n) beg(re)pen/ gegoedt en(de) gheerft was en(de) dat hi die goede die acht(er)volgende/ opten dach va(n) heden besittende wae(re) uutgescheide(n) een dach(mael)/ lants gelege(n) opt breedzijp dat pet(er) vand(er) elst jege(n) hem ghe/ cocht heeft en(de) dat den selve(n) janne de brieve d(aer) af genome(n)/ en(de) ontvreemdt zijn gelijc voirscr(even) es sonder argelist en(de) sond(er) e(n)nich/ fraude of bedroegh d(aer) in getogen te zijn Op dwelc de vors(creven) jan/ uut(er)helecht sinen eet wettelic ten heiligen dede ende daer bi nam dat/ tgheen des voirscr(even) es geschiet is inder manie(re)n sond(er) yet anders dair/ in getoge(n) te sijn gelijc dat voirscreve(n) steet Also dat de raet/ vand(er) stat ov(er)droegh en get(er)mineert heeft voe(r) reden en(de) recht/ dat de vors(creven) jan uut(er)helecht inde voirs(creven) goede bliven sal en(de)/ die peyselic besitten en(de) gebruyke(n) gelijc en(de) ind(er) manie(re)n of hi de/ vors(creven) brieve noch al geheel en(de) gans bi hem hadde sond(er) hem/ of sine(n) nacomelinghe(n) e(n)nich p(re)judijs of hijnder in toecomende(n) tiden/ te wesen dat hem de vors(creven) brieve genomen sijn uutgescheiden/ dlant dat hi v(er)cocht heeft als voirscr(even) es Dwelc de/ voirs(creven) pet(er) vand(er) elst oec gebruyke(n) sal gelijc of hi des vors(creven)/ jans brief oec bi hem hadde Op alse woude yemant in tiden/ toecomende e(n)nich recht vorderinge(n) op te voirs(creven) goede vorde(re)n/ dat hi dat mocht doen gelijc als hi dat voe(r) gedaen/ soude hebbe(n) eer de(n) vors(creven) janne sijn brieve ontvreemdt werde(n)/ P(rese)nt(ibus) jacobo ex lye(mingh)[en] waltero cap(elle)[man] burg(i)mag(ist)ris (et)/ p(er)? plu(r)ibus aliis de consilio anno d(omi)ni m[mo] cccc[mo] xxxiiii/ des sat(er)daeghs x daghe in julio/