Van woute(re)n luyten van gheele/ Het sijn comen in rechte voir meye(r) ende scepen(en) van loven(en) inde/ banc aldair jan lyemync van arschot die nae den recht der/ stad van loven(en) come(n) en(de) geleidt es tot den goeden jans ende/ peters van hooghstrate(n) gebrueders in deen zijde en(de) wouter luyte(n)/ van gheele die voir meye(r) en(de) scepen(en) van loven(en) bij ja(n)ne de vos/ soen jans wilen svos van gheele als e(n) eenige en(de) naeste erfge/ name des selfs wilen jans vos sijns vaders gegoet en(de) geerft es inde/ goede hier nae bescreve(n) in dande(re) In den yersten in een hofstat met/ hoe(re) toebehoirte(n) gelege(n) inde prochie van gheele te helsum tusscen de/ goede jans hollande(re) en(de) de gemeyn strate aldair Item in iii zillen/ lands gelegen aldair tusscen de goede gielis thoelen en(de) de st(ra)te voirscr(even)/ Item in een boondere lands gelege(n) inden werft tussce(n) de goede jans claes/ wynne(n) en(de) d(er) kinde(re) jans wilen laene(n) Item in i(½) dach(mael) lands gelege(n)/ aldair opt velt gehete(n) kriekelshol neest den goeden peters giels/ Item in i(½) dach(mael) lands gelege(n) aldair op tvelt gehete(n) laeromeracker/ neest den goede(n) der capelle(n) van sente digne(n) aldair en(de) thaegh
//
mans block Item in i(½) dachmael beemts gelege(n) aldair ge inde stat gehete(n)/ de beke tusscen de goede des voirs(creven) jans claes wynne(n) ende de goede jans/ arnts Item in een zille beemts gelege(n) opte stad gehete(n) steghe bijde goede/ jans meyne(n) It(em) in (½) boend(er) beemts gelegen inde winkelsrijse(re)n tusscen de/ goede jans witte(n) en(de) scloesters van sente bernarts op de schelde bij antw(er)pe(n)/ It(em) in (½) boend(er) beemts gelege(n) inde beke achter de goede jans huysmans/ neest den goede(n) henrix leys It(em) in een half zille lands gelege(n) aldair/ inden laerom(er)acker bijden wech gaende te poederle Item in een half mudde/ rogs goet en(de) payabel der mate(n) van gheele erfs pachs aen en(de) op zeker/ goede en(de) onderpande die jan van elsum houdende es inde voirs(creven) p(ro)chie/ van gheele gelege(n) Item in een mudde rogs d(er) mate(n) van gheele erfs/ pachs aen en(de) op zeker goede en(de) onderpande wilen wouters ende/ wynants gehete(n) svos gebruede(re)n en(de) die nu de kijnde(re) des selfs wout(er)s/ houdende sijn inde voirscr(even) p(ro)chie van gheele gelege(n) Dair de voirs(creven)/ jan lyemync een aensprake dede tot d(er) helcht vande(n) goede(n) voirscr(even)/ segge(n)de dat hem en(de) sine(n) beleide die helcht volge(n) sal en(de) sculdich es/ te volge(n) en(de) dats bijden redene(n) hier nae bescreve(n) Yerst eest wair dat/ in tiden voirleden was een lijsbeth wilen oeme oems die nae staet/ der heylig(er) kerken getruwt hadde ene(n) henricke(n) houtman die noch/ leeft Welc lijsbeth de voirs(creven) goede besat als hoir p(ro)per erve en(de) dair/ uut sterf als uut hoe(re)n erve Segge(n)de voirt dat dese goede der voirs(creven)/ lijsbette(n) aencome(n) wae(re)n van hoe(re)n outvorders ende dat wile(n) m(ar)griete/ van hooghstrate(n) moed(er) der voirs(creven) twee gebruede(re) een de naeste leeve(n)de en(de)/ erfgename was der voirs(creven) lijsbette(n) en(de) vand(er) siden dair de goede aff/ come(n) wae(re)n Noch dede hij segge(n) de voirs(creven) jan lyemync dat de voirscr(even)/ wile(n) magriete van hooghstrate(n) in tiden voirleden te wete(n) des xii jair/ leden mach sijn oft dair omtrent bijden scepen(en) van gheele inde voirs(creven)/ goede gewijst es Dwelc de voirs(creven) jan lyemync al boet te thoenen/ ende met den mynsten (et)c(etera) Seggende soe wair hij dit gethoene(n)/ conste dat hem en(de) sine(n) beleide dan de helcht vande(n) voirs(creven) goede(n) volge(n)/ soude Oec seyde hij noch dat de voirs(creven) twee gebruede(re) wittige kynde(re) wae(re)n/ der voirs(creven) wilen m(ar)griete(n) en(de) dat boet hij oec te thoene(n) (et)c(etera)/ Op dwelck de voirs(creven) wout(er) luyten met sine(n) gelev(er)den voirspreke
//
verantwerde seggende dat hem noch sijnre goedinge(n) de/ voirs(creven) aensprake gheen onstade doen en sal ende dat bij des(er)/ redene(n) Want wair es dat lijsbeth wilen oems de voirs(creven)/ goede besat als hoir prop(er) erve ende dat sij nae staet der/ heylig(er) kerken getruwt hadde der selver ene(n) mathise wile(n)/w vissche(re) die de selve goede te gade(re) besate(n) als hoir p(ro)per/ erve Welc mathijs als momboir sijns wijfs voirscr(even) der voirs(creven)/ goede wael mechtich was bynne(n) welke(n) tide dat hij dier/ mechtich was en(de) dat hij die goede bijd(er) voirs(creven) wile(n) lijsbetten/ oems sijne(n) wive besat bekende den scepen(en) brieff van loeven(en)/ dair uut dbeleyt op die tijt oec gesciede en(de) gemaect was/ Dair mede de voirs(creven) wout(er) luyte(n) inde voirs(creven) goede voir meye(r)/ en(de) scepen(en) van loven(en) gegoet es Oec dede hij noch voirt segge(n)/ de voirscr(even) wout(er) luyte(n) al mocht alsoe sijn dat de voirs(creven) wilen/ lijsbeth oems voirmaels getruwt hadde den voirs(creven) wile(n) henr(icken)/ vanden houte ind(er) voirs(creven) aensprake(n) geruert Soe wairt die huwelic/ namaels en(de) eer yet langc dair nae bij raede vand(er) heyliger/ kerken te nyeute gedaen Midts zeke(re)n ocsuyn en(de) gebreke wille/ dieme(n) dair tusschen vant ende dat dat wair es dat blijct/ bij dien want de voirs(creven) wilen lijsbeth oems dair nae truwede/ den voirs(creven) wilen mathijse de vissche(re) toese toesiende den voirs(creven) henr(icken)/ vande(n) houte ende de voirs(creven) henrick vande(n) houte truwede nae/ staet der heylig(er) kerken d(er) voirs(creven) wile(n) lijsbette(n) oems Dat toe/ siende een ander wijf dair hij noch in huweleke(n) state bijsit/ Seggende noch de selve wout(er) luyten dat de voirs(creven) wilen ma/ griete van hooghstrate(n) come(n) wae(re) voir scepen(en) van he(re)nthals beke(n)/ nende dat sij den voirs(creven) woute(re)n hoir versterfenisse inde voirscr(even)/ goede vercocht hadde ende alle dese pointe(n) voirscr(even) boet de voirs(creven)/ wouter te thoene(n) en(de) met den mynsten (et)c(etera) Segge(n)de soe wair/ hij dese gethoene(n) kan datse hem en(de) sijnre goedinge(n) nae de volge(n)/ souden Nae desen bij manissen smeyers van loeven(en) sijn beyde/ de voirs(creven) p(ar)tien gewijst tot hoe(re)n thoenisse Ten dage van thoenis/ thoende de voirs(creven) jan lyemynck dat de voirs(creven) lijsbeth oems de/ voirs(creven) goede besat als hoir erve ende dair uut starff als uut/ hoe(re)n erve ende dat magriete wilen van hooghstrate(n) een de/ naeste leeve(n)de was vander voirs(creven) wilen lijsbette(n) oems ende vand(er)
//
sijden dair de goede aff comen wae(re)n Voirt thoonde de voirs(creven) jan lyemync/ dat de voirs(creven) wilen lijsbeth oems nae staet der heylig(er) kerken getruwt/ hadde den voirs(creven) henricke(n) vanden houte ende dat hij noch leefde Tu/ ghende oec dat de voirs(creven) twee gebrueders kijnde(re) wae(re)n der voirs(creven) wile(n)/ magriete(n) van hooghstrate(n) Item droege(n) twee scepen(en) van gheele dat/ sij dair bi ende aengeweest hedden dair willem rams dieme(n) heet/ meys van sceelen come(n) wae(re) op den kerchoff tot gheele opt graff wille(m)s/ wilen zarghers dair de voirs(creven) wille(m) rams nam op sine(n) eedt dien hij/ ten heylige(n) dair toe dede dat hij met den voirs(creven) wilen willemen/ zarghers beyde als scepen(en) dair bi wae(re)n dair de voirs(creven) wilen m(ar)griete van/ hooghst[ra]ten inde voirs(creven) goede gewijst wairt ende dat de ande(re) scepen(en) doot/ we(re)n Item tuyghde(n) noch de selve scepen(en) van gheele dat soe wa(n)/ neer den stoel te gheele schiet dat dan de vriende vande(n) ghene(n) die/ dair versceide(n) wae(re) den ande(re)n langcste leeve(n)de het sij man oft wijf/ de helcht vand(er) have(n) affdeylde ende de helcht vande(n) erfgoede(n) alsoe/ verre alse die van des dooden zijde(n) come(n) wae(re)n en(de) dander helcht behielt/ de langste leeve(n)de tot sijnre toch Hier nae thoonde de voirs(creven) wout(er)/ luyten [met iii goeden ma(n)nen] dat de voirs(creven) wilen lijsbeth oems gesceiden wart vande(n) voirscr(even)/ henricke(n) vande(n) houte ende dat sij dair bij ende neve(n) wae(re)n en(de) dat/ sij alle drie dair nae dair bij wae(re)n ende hen wel kenlic wae(re) dat/ de voirs(creven) wilen lijsbeth oems truwede den voirs(creven) mathijse vissche(re) toe/ siende den voirs(creven) henricke(n) vande(n) houte en(de) dat sij dair ter brulocht wae(re)n/ ende som dair diende(n) Voirt tuyghde(n) de selve drie dat de voirs(creven) henr(ic)/ vanden houte dair na een ander wijf truwede die noch leefde en(de)/ noch dair bij in huweleken state sate dwelc gesciede meer dan/ viii jair te voe(re)n eer de voirs(creven) wilen lijsbeth aflivich worde(n) wae(re)/ Item tuyghden iiii ande(re) goede knape(n) die som de naeste gebuere/ wae(re)n der voirs(creven) wilen lijsbette(n) dat hen oec wael kenlic wae(re) dat/ de selve wilen lijsbeth nae staet d(er) heylig(er) kerken getruwt hadde den/ voirs(creven) mathijse vissche(re) en(de) dat sij de voirs(creven) goede te same(n) als man en(de)/ wijff besaten ende dat de selve wilen mathijs die voirs(creven) goede ter/ tijt dat hij den brieff bekende als momboir sijns wijfs wail mechtich/ was dair mede dbeleidt gedaen es daer uut de voirs(creven) wouter sijn
//
guedinge ontfaen heeft en(de) dat oec tselve beleidt gedaen was ter/ tijt dat de voirs(creven) wilen lijsbeth leefde Item bethoonde noch de/ voirs(creven) wouter met ene(n) scepene(n) brieve van he(re)nthals dat ma/ griet wilen van hooghstrate(n) come(n) wae(re) voir scepen(en) van he(re)nthals/ ende hedde bekent openbairlic dat sij den voirs(creven) woute(re)n hoir/ gedeelte en(de) hoir versterfenisse inde voirs(creven) goede vercocht hadde/ en(de) dat sij van dien coope wael vernueght wae(re) Voirt droege(n)/ noch de selve iiii goede ma(n)ne dat dese magriete van hoogh/ straten die de voirs(creven) ke(n)nisse gedaen hadde wittw moeder was/ vande(n) voirs(creven) tween gebruede(re)n die den brief bekent hadde dair/ mede de voirs(creven) jan lyemync geleidt es Dese thoenisse in/ beyden sijden aldus geleydt sijnde maende de meyer van loven(en)/ de scepene(n) van loeven(en) die wijsden voir een vo(n)nisse nae aen/ sprake nae verantwerde(n) ende nae thoenis van beyde den p(ar)tien/ dat den voirs(creven) woute(re)n luyte(n) vande(n) voirs(creven) goede(n) blive(n) sal in sijn/ goedinge also verre alst noch voir scepen(en) van loven(en) come(n) es/ cora(m) lombart abs(oloens) kersmak(er) boys voshem januarii xx/