Cond sij allen lieden dat h(er) willem van montfort ridder in jeg(enwordicheit)/ der scepen(en) van loven gestaen heeft geloeft voer hem sijn erfg(enamen)/ en(de) nacomelinghen joffrouwe johannen van roetsvoert borchgre/ vynnen tot monjou [en(de)] vrouwe van craendonc en(de) van dyepe(n)beke/hue(re)n naco erfg wout(ere)n en(de) diericken van henneff gebruede(re)n/ en(de) arnde van ghiessen [oft den eenen van hen bring(er) des briefs] dat so wat tide men bevynden sall ter/ goeder meyninghen biden gheenen die hen des v(er)staen sullen dat/ de voirs(creven) h(er) willem na den rechte der stat van loven oft na der/ lantrechte van brabant vast en(de) zeker sall staen inde goede lande/ slot en(de) heerlicheiden van craendonc en(de) van eyndhoven met/ hue(re)n toebehoirten dat de selve h(er) willem dan bynnen eenre/ maent daer na [sond(er) middel volgende] comen sall voer de wett en(de) trecht van/ loven en(de) doen der voirs(creven) joffr(ouwe) johannen van roetsvoert oft/ iemand and(er)s in hue(re)n name also hue(r) dat ghelieven sall opte voirs(creven)/ goede uut beleide van scepen(en) brieven van loven doen z goede/ en(de) zeke(re) vesticheit van ii[c] en(de) lxxv rinsche gulden(en) coervorster/ munten voe(r) datum des briefs ghemunt lijfpensien totten live/ der voirs(creven) joffr(ouwe) johannen te betalen tot alzulken daghen als/ de deedinghe tuschen den voirs(creven) h(er) willem(me) en(de) joffr(ouwe) johannen/[gemaect] inheeft en(de) der selver joffr(ouwe) johannen oft iemande and(er)s in hue(re)n/ name [als voer] daer toe also vele te doen dat hue(r) dat tot hue(re)n/ live vast en(de) zeker sijn sall cor(am) lomb(ar)t voshem julii xiii/