vander joffr(ouwe) vanden passe/ Item jan van assche de jonge soen jans van assche van waenrode/ es come(n) in jeg(enwoirdicheyt) vande(n) borg(er)meest(er) en(de) scepen(en) van loven(en) ende/ heeft gelooft op sijn lijf en(de) op sijn goet en(de) op zoonbreke te sijn/ dat hij om gheenrehande saken wille die geschiet sijn tot opde(n)/ dach toe van heden tusscen hem in deen zijde en(de) joffr(ouwe) lijsbette(n)/ wedewe gheerts wilen vande(n) passe henr(icken) van loen en(de) pete(re)n/ meezen die bel(eydt) sijn tot d(er) selv(er) joffr(ouwe) goede in dande(re) den selve(n)/ p(er)sone(n) noch den hoe(re)n ne(m)mermeer wangonst hatye veede noch/ vyantscap drage(n) noch doen en sal hen crenke(n) noch hijnde(re)n/ aen lijf noch aen goede noch te campe eyssce(n) dage(n) noch moyen/ buyte(n) lands bij hem selve(n) noch bij nyema(n)t anders in gheenre/ manie(re)n Bekenne(n)de en(de) openbairlic verlyende de voirs(creven) jan van/ assche de jonge soe wair hij hier tege(n) dade dat hij sijn soude/ peysbreke en(de) zoonbreke en(de) verboirt hebbe(n) sijn lijf en(de) sijn goet/ onder wat he(re)n oft gericht hij vonde(n) soude w(er)de(n) Behoudelic dien/ heeft hij d hen yet aen te spreke(n) dat hij dat doen mach mette(n)/ rechte vynck voshem febr(uarii) xxv/