Cond sij allen lieden dat wouter van swamen es comen in/ jegenwordicheit d(er) scepen(en) van loeve(n) en(de) heeft v(er)huert en(de) bekendt/ dat hi v(er)huert heeft janne kneepkens en(de) peter(en) van ned(er)hem/ and(er)half boende(r) onder beemt en(de) wijtha(m)me met sine(n) toebehoirte(n)/ gelegen tsent aeghten rode bide dyle aldaer tussche(n) de goede/ jans de mandemake(re) in beyden siden uutgenomen dat dop/ gaende willige(n) en(de) ande(r) opgaende hout opte vors(creven) goede staende/ daer in de vors(creven) jan en(de) pet(er) niet rechts hebben en sele(n) Te houde(n) en(de) te hebbe(n) van kersmisse lest leden ene(n) t(er)mijn van vien(en)t/ vier en(de) twintich jar(e)n lanc deen na dand(er) d(aer) na staphans volgende/ elx jaers hier en bynne(n) om seven en(de) enen halven gulden(en)/ ph(ilippu)s schilde [en(de) enen halven] d(er) mu(n)ten h(er)toge philips h(er)toge van bourg(oign)[en] en(de)/ van brabant goede en(de) gheve en(de) om seven grijpen en(de)/ een halve(n) te wete(ne) viertich [placken] payments alsulc als telke(n) t(er)mijn/ va(n) betalinge(n) gemeynlic in burse(n) gaen sal voe(r) elke(n) grijp [vors(creven)] gerekent/ half te half meye en(de) half tsente jans misse baptiste(n) te/ betale(n) alle ja(r)e de(n) vors(creven) t(er)mijn duer(ende) en(de) telken t(er)mijne alse v(er)volghde / schout En(de) is vorwerde dat de vors(creven) wout(er) alle d(en) tsijs en(de)/ co(m)mer uut de(n) vors(creven) goede(n) gaende [jaerlex] betale(n) sal It(em) sele(n) de vors(creven) jan/ en(de) peter de voirs(creven) goede jaerlex wel en(de) loflic beheymen also/ dat de(n) vors(creven) woute(re)n d(aer) af negheen scade en come d(aer) af [toe] sij/ de staf? nemen selen vande(n) willige(n) des selfs wout(er)s staende opte/ goede voirscr(even) ter minster scaden Ite(m) moghen de selve jan en(de)/ peter de voirs(creven) goede voert op dat sij willen met wijden/ besetten de(n) vors(creven) t(er)mijn duerende Gelovende de vors(creven) wout(er)/ de(n) vors(creven) janne en(de) pete(re)n vand(er) vors(creven) hueri(n)ghen altijt/ genoech te doen en(de) recht warant te sijn jege(n) ene(n)/ yegelike(n) den vors(creven) t(er)mijn duerende lomb(ar)t voshem/ ultima februarii