Item het sijn comen in recht voe(r) meye(r) ende scepene(n) van loeve(n)/ inde banc aldaer jan vander valporten goutsmet die na den/ recht d(er) stat van loeven comen en(de) geleydt es tot d(en) goede(n) joffr(ouwe)/ margriete(n) weduwe symoens wilen de blide in deen side/ en(de) matheeus wynter van arschot in dande(re) alse van ene(n)/ boender beemds gelegen inde vrihett van arschot inde/ stoffene tussche(n) de goede d(er) vrouwe(n) van dormale en(de) de goede/ jannes de roeve(re) Dair af in beyden siden scoen en(de) alrehande/ thoe(n)nisse geleydt worden en(de) onder den ande(re)n so vant men/ claer dat symoen wilen de blide voirs(creven) den vors(creven) beemdt/ opgedragen hadde en(de) in manie(re)n van onderpande verbonden hadde
//
den selven beemdt voe(r) xl rijnssche gulden(en) en(de) een gulden croen/ ene(n) h(ere)n henricken van over de vecht op die tijt canonick van s(in)te s(er)vaes/ te tricht op also dat de selve h(er) henric de vors(creven) sijn schout daer aen/ heffen en(de) boere(n) soude met ande(re)n en(de) meer thoe(n)nissen die [de] vors(creven) p(ar)tijen/ in beyden side(n) dair af leydden Also dat ten eynde de scepenen/ van loeven ter mae(n)nissen smeyers van loeven wijsde(n) voe(r) een vonnisse/ dat de vors(creven) matheeus wynter den vors(creven) beemdt behouden sal/ tot aen dier tijt dat de vors(creven) jan vand(er) valporte(n) hem geven en(de)/ betale(n) sal de vors(creven) xl rijnssche gulden en(de) een croen of de w(er)de/ daer voe(r) behoudelic dien dat de vors(creven) matheeus wynter de/ hue(r) van desen jae(re) vande(n) vors(creven) beemde hebbe(n) en(de) heffen sal op also/ dat hi betale(n) sal den co(m)mer uut de(n) selven beemde gaende cor(am) lombart/ borch(oven) absoloens kersmake(re) vynck voshem augusti vii