It(em) van alsulken gedinge als nu voe(r) meye(r) en(de) scepen(en) va(n) loeven/ geweest is tusschen joncker karle vand(er) ryvie(re)n en(de) vrou aleiten/ vander ryvieren sijnre zust(er) weduwe h(ere)n dierics wilen van/ borssele he(re) van zuyelen in deen side ende henricke(n) vander/ calstre(n) de(n) jongen die na den recht d(er) stat van loeve(n) comen/ en(de) geleydt is tot den goeden joncker raes vand(er) ryvie(re)n/ brued(er) der vors(creven) karels en(de) vrouwe aleite(n) in dande(re) In/ welke(n) gedinghe de vors(creven) joncker karle en(de) vrouwe aleyt/ sijn zust(er) thoende(n) metten ma(n)nen van leene ons genedichs/ he(re)n en(de) mette(n) secretar(is) vanden leenboeck en(de) dat bi v(er)sueck/ en(de) vervolghe des vors(creven) jonck(er) raes bi mae(n)nissen des joncke(re)n
//
van gaesbeke des vors(creven) ons gened(ichs) he(re)n van sinen leene(n) stedehoud(er)/ de ma(n)ne van leene des selfs ons gened(ichs) he(re)n gewijst hebben voe(r) een/ vonnisse dat de renten en(de) p(ro)fijten vanden goeden en(de) heerlicheiden/ van ned(er)lynthre bliven ende staen selen in sequester en(de) in behoudend(er)/ hant tot aen dier tijt dat te ludick of eld(er) daer dat behoirde/ gepurgeert sal zijn of dat testament daer mede h(er) raes wilen vand(er)/ ryvie(re)n he(re) van ned(er)lynthre en(de) wilen vrou cecilie sijn wittighe/ huysvrouwe vader en(de) moed(er) der vors(creven) karels raes en(de) vrouwe/ aleite(n) de selve hae(re) kijnde(re) van hae(re)n goeden gescheiden hebben/ van w(er)den sijn sal Was en(de) es ten slote tvonnisse dat de/ scepen(en) van loeven bliven bi alsulke(n) vonnisse als de he(re)n de/ ma(n)ne van leene ons gened(ichs) he(re)n vors(creven) lestwerf vande(n) vors(creven) goede(n)/ gewijst hebben cor(am) lomb(ar)t absoloens kersmake(re) vynck voshem/ septembr(is) s(e)c(un)da anno xxxiiii/