Item henrick de wuest die beleidt is tot den goede(n) jacobs wueste/ sijns brueders en(de) de selve jacob met hem hebben geloeft ongesceide(n)/ voir andries van voshem borg(er)meest(er) te loeven(e) soe wa(n)neer jan sceymans/en(de) henr(ic) gheerijts en(de) hoir medeplichters hen voir scepen(en) van eersel/ vesticheit gedaen sellen hebben vande(n) v(er)cregene(n) goede(n) en(de) have(n) die de/ voirs(creven) jacob met sijne(n) wive vercrege(n) hadde dat sij dan t(er) stont come(n) selle(n)/ voir scer meye(r) en(de) scepen(en) van loeven(e) en(de) goeden de voirs(creven) ja(n)ne sceymans/ gelijc den voirs(creven) sine(n) medeplichte(re)n gelieve(n) sal in alle de stocgoede die/ de voirs(creven) jacob met sijne(n) wive besitte(n)de was en(de) sijn wijf aen hem bracht/[behoudelic jacob sijn tocht] Behoudelic [oec] dien wairt dat e(n)nige vande(n) stocgoede(n) v(er)wisselt we(re)n voir ande(r)/ goede dat de voirs(creven) gebruede(re) dan alsoe vele doen sellen dat die wisselinge/ te nyeute sij oft en co(n)ne(n) sij des niet gedoen soe selle(n) sij hen [oec] goede(n)/ inde goede die voir die stocgoede verwisselt sijn oct(obris) xxii anno xxxv/ p(rese)nt(ibus) boys