SAL7729, Act: R°223.2-V°223.1 (198 of 362)
Search Act
previous | next
Act R°223.2-V°223.1  
Act
Date: 1436-01-19
LanguageNederlands

Transcription

2020-02-09 by kristiaan magnus
Van mathijse mathijs/
Item want mathijs mathijs nae den rechte der stat van loeven(e)/
come(n) ende geleidt es tot den goeden wouters vander donck en(de)/
alite(n) vander schue(re)n sijns wijfs ende hij dien achtervolge(n)de te/
loven(e) int recht inne hadde doen scrive(n) henricken woute(re)n en(de)/
wille(m)me vander schue(re)n gebrueder kijnde(re) van seke(r) have(n) [hier nae] gescr(even)/
inder cedulen Inden yersten van v mudde(n) rogs It(em) (½) mudde raep/
saets It(em) ene(n) keerle It(em) een saghe mette(n) beytels en(de) ii aexen/
It(em) iiii haestelle(n) It(em) ene(n) vrouwe(n) pels It(em) ii[c] keese iii rugghe(n)/
leders It(em) een verken en(de) een vierdel gesoute(n) It(em) v leve(n)de verke(nen)/
It(em) vi sacke It(em) (½) mudde erwete(n) It(em) xxx hope(n) stroes xiiii steen/
wollen It(em) v ganse It(em) vi hy(n)nen It(em) een coffer met erfbrieve(n)/
/ It(em) een graen dobbel hoyke en(de) alrehande ande(r) have Dair/
sij niet en quame(n) also dat nae dien de meye(r) van lov(en)/
v maende de scepen(en) van loven(e) die wijsde(n) voir en vo(n)nisse/
vo(n)nisse datme(n) den voirs(creven) mathijse houde(n) soude in sijne(n) beleide/
vand(er) voirs(creven) have(n) also verre alst noch voir scepen(en) van loven(e)/
come(n) es pynnoc calstr(is) wit(te)[ma(n)] hug(ar)den velde naen ja(nuarii)/
xix
ContributorsKarel Embrechts
Moderated byKarel Embrechts
Last update: 2016-06-08 by Agata Dierick