Noch van arnde vande(n) grate/ Het sijn come(n) in rechte voir meye(r) ende scepen(en) van loeven(e) inde banck/ aldair arnt vanden grate die nae de heerlicheit ons genedichs/ he(re)n van bourg(oign)[en] en(de) van brab(ant) ende nae sijnre stat recht van/ loeven(e) gegoet en(de) geerft es voir meye(r) en(de) scepen(en) van loeven(e) voirs(creven)/ in alle de goede omberuerlike goede andries wilen shertogen van/ buedingen in deen zijde ende arnt mynten van buedingen in/ dande(re) Dair de voirs(creven) arnt vande(n) grate versocht datme(n) hem houde(n)/ woude nae inhebben van sijnre guedingen voir geruert in alle de/ goede des voirs(creven) wile(n) andries op welc versuec de voirs(creven) arnt/ mynte(n) een aenspraken dede tot den goeden h(ier) nae bescreve(n)/ Inden yersten tot eenre hofstat gelegen ter hagen inde p(ro)chie/ van buedinge(n) tusscen de goede wouters paparts en(de) jan van hollant/ It(em) tot ene(n) halve(n) boend(er) lands gelege(n) tusscen de goede waelweyns/ vande(n) abeele en(de) henrix van coelhem It(em) tot eenre zillen lands/ gelege(n) aent t(er) kriekelen eeussel tussce(n) de goede wouters van cueringe(n)/ en(de) jans smeets It(em) tot i(½) zillen lands gelege(n) opte steengrecht/ tusscen de goede scloesters van rothem en(de) jans smeets voirs(creven) Item/ tot ene(n) halve(n) boend(er) lands gelege(n) inden hazel tusscen de goede sheylichs/ gheests van leeuwe en(de) gheerts rabode It(em) tot eenre halv(er) zillen lands/ gelege(n) tusscen de goede willems van kermpt en(de) waelwijns vander/ haghen Item tot ii zillen lands gelegen tusscen de goede jans v vand(er)/ hagen en(de) jans de becke(re) Item tot ii zillen lands gelege(n) tussce(n)/ de goede der kijnde(re) gords wilen m(er)cielijs ende jans vrymans It(em) tot/ eender zille(n) lands en(de) een vie(re)ndeel gelege(n) opte(n) gruene(n)wech tussce(n)/ de goede jans rabode en(de) jans moens Item tot eenre zillen beemts/ gehete(n) de craenmeere gelege(n) tusscen de goede henrix costmans ende/ gheerts raboode It(em) tot eenre zille(n) beemts gehete(n) dbroexken/ gelege(n) tussce(n) de goede scloesters van heyleshem ende henrix van halle/ It(em) tot ene(n) dobelen mottoen erf tsijs aen en(de) op een geleege/ gielijs bate(n) gelege(n) te buedinge(n) It(em) tot ene(n) wynhove gelege(n) ter/ hagen tusscen de goede gielijs baten ende jans deenemans/ Inden yersten dede seggen de voirs(creven) arnt mynte(n) dat de voirs(creven) ii/ zillen lands gelege(n) tusscen de goede jans vander hage(n) en(de) jans de/ becke(re) stocgoede wae(re)n katlijnen myntens myddelste wijf des/ voirs(creven) wilen andries sh(er)togen en(de) van hoe(r) zijde come(n) wae(re)n ende/ / dat de selve wilen andries en(de) katlijn vergadert wae(re)n nae/ staet der heylig(er) kerken Seggende voirt dat hij de naeste leve(n)de/ es en(de) van wittige(n) bedde vander voirs(creven) katlijne(n) mynte(n) Dwelc/ de voirs(creven) arnt mynte(n) al boet te thoene(n) ende met den mynste(n)/ dair hij inden rechte mede lijden mach Seeght voirt de selve/ arnt dat de voirs(creven) wilen andries en(de) katlijn myntens sijn myd/ delste wijf de voirs(creven) ande(r) goede te same(n) in geheele(n) stoele be/ vercregen en(de) dat boet hij oec te thoene(n) en(de) met den my(n)ste(n)/met meer an Hoepte en(de) meynde soe wair hij dit gethoene(n)/ kan dat hem de voirs(creven) ii sille(n) lands geheel en(de) de helcht vande(n)/ ande(re)n goeden worden en(de) volge(n) sele(n) Dede noch voirt segge(n) de/ voirs(creven) arnt mynte(n) dat wair wae(r) dat hij van dese(n) selve(n) goeden/ in rechte gestaen hadde tot ludick tot buedinge(n) en(de) dat sijs/ aldair bleve(n) in iiii advocate tot ludick diet weder setten int recht/ tot buedinge(n) en(de) dat dair brieve quame(n) vand(er) stat van loven(e) dat/ men dese goede deylen soude [van heerheiden] en(de) dat dese pointe(n) wair sijn dat biet/ de voirs(creven) aernt mynte(n) te thoene(n) en(de) met den mynste(n) dair hij mede/ lijden mach inden rechte met meer woirden die hij d(aer) toe segge(n)/ dede (et)c(etera) Op dwelc hem de voirs(creven) arnt vande(n) grate verantw(er)de/ segge(n)de dat hem die aensprake gheen onstade doen en soude en(de)/ dat bij des(er) redene(n) want de voirs(creven) wilen andries sh(er)toge(n) en(de) kat(lijne)/ myntens [sijn wijf] de voirs(creven) goede te same(n) besate(n) gelijc de voirs(creven) arnt my(n)ten/ selve gekent en(de) gelijc hadde Seggende voirt de selve arnt vande(n)/ grate dat de voirs(creven) wilen andries h(er)toge en(de) katlijn sijn myddelste wijf/ der voirs(creven) goede wael mechtich wae(re)n te beko(m)me(re)n ter tijt dat wout(er)/ wile(n) de h(er)toge tot den voirs(creven) goede(n) beleidt was d(aer) uut de voirs(creven) arnt/ vande(n) grate sijn guedinge ontfaen heeft Dwelc de voirs(creven) arnt/ vande(n) grate als boet te thoene(n) ende met den mynsten dair hij/ mede lijden mocht inden rechte ende op noch alrehande pointen/ die de voirs(creven) arnt mynte(n) ruerde in sijnre aenspraken voirscr(even) als vande(n)/ advocate(n) van ludick die de p(ar)tien vande(n) voirs(creven) goede weder int hof/ geset soude(n) hebbe(n) en(de) van ene(n) segge(n) te loven(e) vande(n) voirs(creven)/ goede(n) geseeght soude sijn D(aer) op brieve vand(er) stat van loeven(e)/ gescreve(n) geweest soude(n) hebben tot buedinge(n) datme(n) de goede/ van heerheide(n) deylen soude (et)c(etera) Antwerde de voirs(creven) arnt vanden/ grate dat hem dat al gheen onstade doen en soude gemerct yerst/ vande(n) segge(n) want dat voir scepen(en) niet verbonden en was dat d(aer)/ om de stat getermineert hadde wouden de p(ar)tien deen den/ / ande(re)n yet aenspreken dat sij dat doen mochte(n) Dwelc de/ vors(creven) arnt vanden grate boet te thoene(n) met den registe(r)/ dair de voirs(creven) t(er)minacie inne gescreven stont Segge(n)de noch/ de selve arnt vande(n) g(ra)te dat hij navolgende der voirs(creven) t(er)mina/ cien tegen den voirs(creven) arnde myntens voir meye(r) en(de) scepene(n)/ van loeven(e) van de(n) voirs(creven) goede(n) lange int recht gestaen hadde/ en(de) veel hanteringen van rechte gehadt welc scepen(en) van/ loeven(e) op die tijt de voirs(creven) p(ar)tien vande(n) voirs(creven) goede(n) weder/ sette(n) op hoir yerst dat de voirs(creven) arnt oec boet te thone(n)/ Ende aldus bliket clair dat allet gheen des voir dair toe/ gesciet es te nyeute gedaen es Hier nae beyde de p(ar)tien/ tot hoe(re)n thoenisse gewijst sijnde Thoende elc van hen/ allet gheen des hij hem vermete(n) hadde alsoe dat na desen/ de meye(r) van loven(e) maende de scepen(en) van loven(e) die/ wijsden voir een vo(n)nisse nae aensprake verantw(er)de(n) nae tho/ nisse ende nae al dats voir hen come(n) wae(re) dat de voirs(creven)/ aert vanden grate vanden voirs(creven) goeden bliven sal in sijnre/ goedingen alsoe verre alst noch voir scepene(n) van loeven(e)/ come(n) es cor(am) calstr(is) wittema(n) hug(ar)den naen oct(obris) xiii