Wij joes abs(oloens) en(de) wille(m) [de] naen scepen(en) van loeven(e) doen cond en(de) kenlic allen/ lieden dat voir ons come(n) sijn h(er) willem ravens p(ro)chiaen van steensel henr(ic)/ de heyst anssem uuten bossche jan de wuest mercelijs vande(n) oedenbossche/ en(de) jan kerstiaens alse segge(re)n en(de) vrientlic yffene(re)n gecore(n) en(de) genome(n)/voirs voir scepen(en) van loeven(e) van henricken de wuest die nae den/ rechte d(er) stat van loeven(e) geleydt is tot den goeden jacobs de wuest sijns/ brueders in deen zijde en(de) janne sceymans voe(r) hem en(de) sijn medeplichters/ die hij hier inne geloeft heeft te vervaen in dande(r) zijde ende hebben/ hoir seggen en(de) uutsprake vande(n) stote tusschen de voirs(creven) p(ar)tijen wesende/ van zeke(re)n goede(n) dair om de voirs(creven) p(ar)tien voir meye(r) en(de) scepen(en) van lov(en)/ voirtiden in rechte gestaen hebben uutgesproke(n) en(de) geseeght ind(er) manie(re)n/ als hier nae volght Inden yersten es hoir segge(n)dat alle de voirs(creven)/ jacob de wuest alle de goede die hij besitte(n)de is nae doet lijsbette(n)/ wile(n) uuten bosche sijns wijfs wittige moeye des voirs(creven) jans sceymans/ uut den welken goede(n) de voirs(creven) lijsbeth verstorve(n) es en(de) van hoe(re)n/ vader en(de) moed(er) comen sijn en(de) uute(n) ouden stocke come(n) sijn besitte(n) sal sijn/ leefdage langck en(de) niet langher en(de) dan sellen die goede weder/ om gaen tot den ter stont nae des voirs(creven) jacobs doet tot den naeste(n)/ wittige(n) erfgename(n) der voirs(creven) wile(n) lijsbette(n) nu sijnnde uutgesceiden/ alsulken [twee] gedeelte als de voirs(creven) jacob inde voirs(creven) goede gecrege(n) heeft dair/ scepen(en) brieve af sijn Voirt want de voirs(creven) jacob tegen henr(icke) vande(n) zande/ gewisselt heeft erve die van de(n) [uuten] voirs(creven) ouden stocke come(n) es om and(er)/ erve die de voirs(creven) jacob nu besit soe hebbe(n) de voirs(creven) seggers dat/ point bevolen den rechte Voirt es hoir segge(n) dat de voirs(creven) jacob/ vande(n) voirs(creven) goede(n) gheen hout en sal moege(n) afhouwe(n) noch vercope(n)/ anders dan hij tot d(er) ty(m)meri(n)gen vande(n) huyse(n) opte voirs(creven) goede staende/ besegen sal en(de) desgelijx om de voirs(creven) goede mede te beheyme(n) en(de) oec/ mede te backen It(em) es noch hoir segge(n) dat de voirs(creven) jacob gheene(n) clot/ steke(n) en sal dan in deeussel dair hijte(n) inne gesteke(n) heeft in beyde(n)/ sijden en(de) niet voird(er) opwairt dan dair hijt begonne(n) heeft Voirt es/ hoir segge(n) dat de voirs(creven) jacob met allen den vercregene(n) goede(n) en(de) haven/ alle(n) haefleke(n) goeden sijne(n) wille doen sal Noch es hoir segge(n) dat/ de voirs(creven) jacob en(de) henr(ic) de wuest alle de brieve die sij oft e(n)nich van/ hen opte voirs(creven) goede gemaect [sprekende] hebben het sijn lovensche brieve bosch/ brieve eersselsche brieve oft testame(n)t brieve dats die van gheenre/ / weerde(n) sijn en selle(n) mer dat sij die gehelijc en(de) al te nyeute/ doen selle(n) en(de) schoere(n) It(em) noch es der voirs(creven) segge(re)n segge(n) dat/ de voirs(creven) jacob de wuest met den erfrogge en(de) erve die hij v(er)crege(n)/heeft en(de) scepen(en) brieve af heeft sijne(n) wille doen mach ende/oft al es noch uutgesproken en(de) voir een segge(n) geseeght dat de/ voirs(creven) p(ar)tien malc ande(re)n vande(n) voirs(creven) saken vesticheit doen sele(n)/ dair sij in beyde(n) sijden mede verwairt sellen sijn het sij te lov(en)/ te(n) bossche oft tot eerssele Wairt oec alsoe dat inde(n) voirs(creven) saken/ e(n)nige discordie g oft twist geviel tussce(n) de voirs(creven) p(ar)tien dat dat/ staen sal ten verclae(re)n vande(n) sesse seggers voirs(creven) Welc seggen/ en(de) uutspraken aldus voir ons scepen(en) geseeght en(de) uutgesproken/ de voirs(creven) henr(ic) en(de) jacob de wuest in deen zijde en(de) de voirs(creven) jan sceyma(n)s/ en(de) met hem henrick gheerijts dieme(n) heet vande(n) zande in dande(re)/ geloeft hebben vast en(de) gesteedich te houden en(de) te voldoen en(de) deen/ den ande(re)n d(aer) af altoes genoegh te doen alsoe dat elken van hen/ vast en(de) geste seker sijn moeghe tot eeuwege(n) dage(n) in welk(er)/ dinc getugenisse (et)c(etera) oct(obris) xxi