Item gheert vanden ey de molde(re) die ov(er)mids vo(n)nisse van scepen(en) brieve(n)/ van loeven(e) beleidt is tot den goeden joffrouwe magriete(n) wedewe gheerts/ wilen vande(n) eynde es come(n) in jegewoirdich(eit) der scepen(en) van loven(e) ende/ heeft gegeve(n) en(de) bekent dat hij gegheve(n) heeft pete(re)n vanden dyke van/ houtve(n)ne de hoeve van wickevorst met hoe(re)n toebehoirte(n) gelege(n) te wicke/ vorst gelijc jan wilen van wickevorst die aldair te houde(n) plach Te/ houden te hebben en(de) te wynne(n) van halfm(er)te naestcomen(de) ene(n) t(er)mijn/ van tween jae(re)n langc deen nae dand(er) sonder middel volgende/ elx jairs dae(re)n bynne(n) voir xii mudde rogs goet en(de) payabel der/ mate(n) van he(re)nthals tsente andries misse apostels te betale(n) ende/op een mile nae tot he(re)nthals te leve(re)n jairlix den voirs(creven) t(er)mijn/ due(re)nde ende telke(n) t(er)mine als v(er)volghde schout ende oec om xxviii/ arnhemsche gul(den) van goude goet ende gheeve Te betale(n) te wete(n) seve(n)/ gu(den) d(aer) af ts(in)t jans misse baptisten en(de) [dander] xxi dair af tot alreheylige(n)misse/ jairlix den voirs(creven) t(er)mijn due(re)nde en(de) telken t(er)mine als vervolghde schout/ It(em) es vorwairde dat de voirs(creven) wynne alle jair den voirs(creven) t(er)mijn due(re)nde/ betale(n) sal alle den tsijs en(de) co(m)mer uut den voirs(creven) goeden gaende ten/ behoirleke(n) tide sond(er) afsslach vand(er) voirs(creven) so(m)men It(em) es noch voirwarde/ dat de voirs(creven) wynne noch den voirs(creven) gheerde jairlix betale(n) sal tot/ sint andries misse (½) mudde raepsaets goet en(de) payabel ende/ sesse capuyne It(em) sal de voirs(creven) gheert hebbe(n) half doeft opte voirs(creven)/ goede jairlix wasse(n)de ende dies sal de selve gheert ene(n) knape/ sette(n) diet selve oeft sal helpe(n) lesen den welke(n) de wynne dae(re)n/ tusscen den montcost gheve(n) sal en(de) tselve oeft en(de) raepsaet tot/ he(re)nthals leve(re)n It(em) sal de voirs(creven) wynne den voirs(creven) gheerde alle/ jair den voirs(creven) t(er)mijn due(re)nde een corweye tot loven(e) doen It(em) en/ mach de voirs(creven) wynne de voirs(creven) lande bynne(n) den voirs(creven) t(er)mine niet/ hoirvruchte(n) noch ontaerden It(em) sal de voirs(creven) wynne de voirs(creven) goede/ wel en(de) loflic beheyme(n) [en(de) beheymt late(n) te sijnen afsceiden] en(de) de huyse vander voirs(creven) hoeve(n) houden van/ wande en(de) van dake in goede(n) state It(em) wairt also dat de voirs(creven) gheert/ aen de voirs(creven) huyse van nuws yet dade ty(m)me(re)n soe es vorwerde dat/ de voirs(creven) wynne den wercliede(n) d(aer)af den cost gheve(n) sal en(de) gheert/ sal de dachue(re)n betalen Item mach de voirs(creven) wynne opte voirs(creven) goede/houde(n) [houwen] in redelicheiden bachuyt bachout en(de) dat heymsel en(de) dat houwe(n)/ op struynceyken en(de) weechout Ende dese vorw(er)de(n) (et)c(etera) hug(ar)de(n)/ naen nove(m)br(is) xv