Cond zij allen lieden dat reyne(r) vleemynx van ov(er)hespe(n) es come(n)/ in jegewoirdicheide(n) der scepen(en) van loeven(e) ende heeft genome(n) en(de) beke(nt)/ dat hij ghenome(n) heeft vanden eerwerdige(n) vad(er) in gode den abdt vande(n)/ goidshuyse van heyleshem inden name en(de) van wege(n) des selfs goidsh(uys)/ thoff geheten van sumaing gelege(n) bij p(er)wez den voirs(creven) cloeste(r) toebeh(oirende)/ met den huysen hove(n) wynne(n)den landen beemde(n) eeusselen driesschen/ en(de) met allen sijne(n) toebehoirte(n) gelijc en(de) alsoe verre als willem wile(n)/ heylwige(n) van p(er)wez die te houden plach en(de) gehoude(n) heeft te gade(r)/ noch met ene(n) beemdeken dwelc jan de pont te houde(n) plach Te houde(n)/ te hebben en(de) te wynne(n) van half meye dat was int jair ons he(re)n m/ iiii[c] en(de) xxxiiii ene(n) t(er)mijn van neghen jae(re)n langc deen nae dand(er)/ staphans sonder middel d(aer) nae volgende elx jairs dae(re)n bynne(n) om en(de)/ voir hondert mudde harts coe(re)ns goet en(de) payabel met wa(n)ne en(de) vloghele(n)/ wael bereit der maten van p(er)wez alsulx coe(re)ns als op tvoirs(creven) lant jairlix/ wassen sal alle jae(re) te sente andries misse apostels te betale(n) ende/ int voirs(creven) hof te leve(re)n he(re)n gheerde van boerle h(ere)n henr(icke) van monthenake(n)/ canoncke(n) regulie(re)n des voirs(creven) cloesters henr(icke) motte henr(icke) motte sijnen/ sone en(de) goerde he(re)nmeys den jongen oft den ene(n) van hen breng(er)/ des briefs den voirs(creven) t(er)mijn due(re)nde en(de) telken t(er)mine als vervolghde/ schout op alsoe dat de voirs(creven) wynne bynne(n) den voirs(creven) t(er)mine betalen/ sal neghe(n) pachte Ende op also want een jan bowet wone(n)de te/ p(er)wez ii stuxken een boend(er) lands gelege(n) te p(er)wez in ii stucken/ dat jan de pont voirs(creven) oec te houde(n) plach in pechtingen genome(n)/ heeft ene(n) t(er)mijn van jae(re)n welc boender lands nu tot d(er) voirs(creven)/ wynni(n)ge(n) geordineert is soe es gevorw(er)t dat de selve jan/ bowet sijn jaerscae(re)n d(aer) aen behoude(n) sal op also dat de voirs(creven) wynne/ jairlix den pacht d(aer) af heffen sal It(em) sal de voirs(creven) wynne de/ huyse vande(n) voirs(creven) hove wel en(de) loflic houde(n) van vorsten en(de) van/ wenden op sijne(n) cost den voirs(creven) t(er)mijn due(re)nde en(de) die also late(n) te/ sijne(n) uutgaen It(em) sal de voirs(creven) wynne jairlix den voirs(creven) t(er)mijn due(re)nde/ leve(re)n dusent walme(re) om de huyse vande(n) hove mede te decke(n)/ in nuwe(n) oft in ouden dake [dairs meest te doen sijn sal met sproefts raide] en(de) alsme(n) die ald(aer) verdect soe sal/ de wynne den wercliede(n) den montcost gheve(n) en(de) tcloest(er) sal de dachue(re)n/ betalen It(em) es vorwairde wairt also dat den voirs(creven) cloeste(r) geliefde/ aldair meer te doen decken soe es vorw(er)de dat de wynne hem dair/ / toe [jaerlex] leve(re)n sal [noch] iii[c] oft iiii[c] walme(re) d en(de) alsme(n) die verdecte/ soe sal de wynne den werclieden den montcost gheve(n) ende/ tcloester de dachue(re)n mer tvoirs(creven) cloester sal tvoirs(creven) hof houden/ van grove(n) wercke It(em) sal de voirs(creven) wynne de voirs(creven) lande wy(n)ne(n)/ en(de) werve(n) gelijc sijne(n) reengenoote(n) It(em) sal de voirs(creven) wynne alle/ de truncboeme moege(n) doen truncke(n) ten behoirlike(n) tijde ende/ dair mede de voirs(creven) goede wel en(de) loflic bevreden It(em) sal de/ voirs(creven) wynne moege(n) afhouwen alle verdroeghde truncboeme/ en(de) d(aer) voe(r) alle jae(re) sette(n) op sijne(n) cost twee [van] gelike(n) planten en(de)/al ten behoirlike(n) tide ende dair toe alle jae(re) noch veertich/ poten planten opte voirs(creven) goede en(de) die wael b bewae(re)n ende/ bedoerne(n) op sijne(n) cost It(em) sal de voirs(creven) wynne m(ijn) he(re) den/ abdt te sculdich sijn [int voirs(creven) hof] tontfaen alle jae(re) den voirs(creven) t(er)mijn due(re)nde/ driewerf met ii capellane(n) en(de) sijne(n) huysgesinne ende es/ te wete(n) dat m(ijn) he(re) dair come(n) mach des eens daighs te/ vesp(er)tide en(de) dair blive(n) dien nacht en(de) des ande(e)n daighs/ allen dien dach en(de) wed(er) dien nacht en(de) voirt des morgens/ tot nae sijne(n) ontbijten tijde ende sal de selve wyn allen den/ cost d(aer) af doen en(de) betale(n) beyde van liede(n) en(de) van p(er)den uutge/ nome(n) van wijnne wasse en(de) cruyde It(em) sal de voirs(creven) wynne oec/ sculdich sijn tontfaen den proefst en(de) ande(r) boden vande(n) voirs(creven)/ cloeste(r) also en(de) hen en(de) hoe(re)n p(er)de(n) te hoe(re)n cost doen uutgenome(n)/ van wijnne also dicke alse sij in die maertse te doen hebben/ selen van des voirs(creven) cloesters zaken It(em) sal de voirs(creven) wynne oec/ ontfaen alle jae(re) den voirs(creven) t(er)mijn due(re)nde eens den meye(r)/ en(de) scepen(en) vande(n) voirs(creven) hove en(de) hen tete(n) en(de) te drincke(n) gheve(n)/ van goede(n) biere so gelijc als tot heer toe gewoinlic heeft/ geweest sond(er) m(ijns) he(re)n cost It(em) sal de voirs(creven) wynne vande(n) cloeste(r)/ voirs(creven) sculdich sijn te houden en(de) van nyema(n)t anders noch oec/ van hem selve(n) sculdich sijn te hoeden houde(n) lxxii oude/

s een cudde scape Te wete(n) lxxii ouwen lxiiii la(m)me(re) en(de)/ lxiiii la(m) hamele en(de) die scape salme(n) deylen tot tween/ jae(re)n ter helcht gerechter helcht en(de) die scape sal m(er) de/ voirs(creven) wynne wel en(de) loflic doen bewae(re)n en(de) herden met/ ene(n) goede(n) heerde En(de) wairt sake dat de voirs(creven) wynne de/ voirs(creven) scape niet wael en bewairde vuedde oft herde en(de) dair/ / ynne l gebreck wae(re) dat sal de wynne voirs(creven) m(ijn) he(re) op de(n) cloeste(r)/ oprichten It(em) gevielt dat ghemeyn oerloghe wae(re) ende tgemeyn/ lant van brab(ant) uut trocke met den h(er)toge van brab(ant) en(de) detvoirs(creven)/ cloest(er) leve(re)n moeste den he(re) van p(er)wez oft sijne(n) liede(n) ene(n) waghe(n)/ met iiii p(er)den soe es vorw(er)de dat de voirs(creven) wynne dien waghe(n)/ leve(re)n soude met iiii p(er)den wel gespa(n)nen en(de) met h(er)nassche met/ tween knechte(n) sond(er) des voirs(creven) cloesters cost en(de) [op alsoe] wairt sake dat/ den voirs(creven) wage(n) verloe(re)n worde oft de p(er)de storve(n) sond(er) schout oft ocsuyn/ der voirs(creven) knechte(n) met ghemeynre scoffultue(re)n oft met e(n)nig(er)hande/ ande(r) manie(re)n soe es vorwarde dat tvoirs(creven) cloest(er) den voirs(creven) wynne/ dan betalen en(de) genoegh doen sal vande(n) wage(n) p(er)den en(de) hernassche/ voirscr(even) ter goeder liede prise Mair gevielt dat den voirs(creven) waghe(n) oft/ p(er)de verloe(re)n worde(n) bij quader hoeden oft ocsuyn d(er) knechte(n) voirscr(even) soe/ en soude tvoirs(creven) cloest(er) niet gehoude(n) sijn die te vergelden It(em) sal/ de wynne voirs(creven) den voirs(creven) cloeste(r) doen alle jae(re) den voirs(creven) t(er)mijn/ due(re)nde vier corweyden [met iiii p(ar) goede(n) p(er)den] tot scloesters behoef oft tot yema(n)s anders/ behoef dair tcloester toe begheert te gelegene(n) tijde te wete(n) ii dage/ voir elc corweyde It(em) heeft noch genome(n) de voirs(creven) wynne ende/ bekent dat hij genome(n) heeft vande(n) abdt voirscr(even) den voirs(creven)/

t(er)mijn due(re)nde de thiende den voirs(creven) cloester toebehoe(re)nde geleg(en)/ inde p(ro)chie van p(er)wez alsoe verre en(de) gelikerwijs dat willem/ heylwigen die voirtijts gehoude(n) heeft Te houde(n) en(de) te hebben de(n)/ voirs(creven) t(er)mijn due(re)nde elx jaers dae(re)n bynne(n) om twelf mudde/ haerts coe(re)ns alsulx coe(re)ns als vand(er) thiende(n) voirs(creven) come(n) sal der/ mate(n) voirs(creven) alle jae(re) tsente andr(ies) misse apostels te betale(n) en(de) int/ voirs(creven) hof te leve(re)n den voirs(creven) p(er)sone(n) oft den ene(n) van hen (et)c(etera) en(de)/ telke(n) t(er)mine als vervolghde scout It(em) sal de voirs(creven) knechte(n) wynne/ de knechten des voirs(creven) abds gheve(n) alle jae(re) den voirs(creven) t(er)mijn due(re)nde/ een mudde coe(re)ns d(er) mate(n) voirs(creven) sonder afslach It(em) es vorwarde/ dat de voirs(creven) wynne alle goet en(de) vrucht dat vande(n) voirs(creven) goede(n) en(de)/ oec vand(er) thiende(n) voirs(creven) jairlix come(n) sal brengen int voirs(creven) hoff/ en(de) niet elder en(de) allet stroe d(aer)af come(n)de sal hij jaerlix te/ meste beke(re)n en(de) dat mest vue(re)n op tvoirs(creven) lant dairs alre best/ te doen sijn sal slands meeste(n) p(ro)fite Behoudelic dat hij de/ voirs(creven) walme(re) d(aer) uut scudden sal moege(n) It(em) es w vorwairde dat/ / de voirs(creven) wynne in sijne(n) leste jae(r) allet stroe en(de) caff int voirs(creven) hof/ laten sal Behoudelic dien dat hij vanden voirs(creven) stroe i(½)[c] schove/ wijnters stroes late(n) sal onghedt en(de) ii[c] schoeve crucke(n) onge/ dersschen en(de) ii goede voeder hoeys wel gewo(n)nen It(em) sal tvo m(ijn)/ he(re) dabdt voirs(creven) behoude(n) altoes den solde(r) opte capelle en(de) alle/ de nuwehuysinge tot sijne(n) behoef op also dat de wynne voirs(creven)/ hebbe(n) sal jairlix den voirs(creven) t(er)mijn due(re)nde ene(n) rock van sijnre leve/

ryen knechte(n) cleede(re) en(de) dair voe(r) sal hij mijne(n) he(re) getruwelic/ diene(n) Item ende op also dat tvoirs(creven) cloester den voirs(creven) wynne/ jairlix borgen sal telke(n) jae(re) van sijne(n) tween cleynste(n) aerden/ xx mudde coe(re)ns sond(er) die te gelde te slaen tot den naeste(n)/ s(in)t andries misse apostels It(em) is den voirs(creven) wynne geleent/ tsijne(n) aencome(n) tgheen des hier nae volght dwelc hij/ geloeft heeft tsijne(n) leste(n) jae(r) te betale(n) Te wete(n) x mudde/ haerts coe(re)ns d(er) mate(n) van p(er)wez en(de) viii mudde evene(n)/It(em) ii mudde spelte(n) en(de) iii dossyne(n) boene(n) d(er) mate(n) voirs(creven) It(em)/[noch] ene(n) waghe(n) met v goede(n) p(er)den gestoffeert met hoe(re)n h(er)nassce/ en(de) noch ene(n) waghe(n) met iiii p(er)den gestoffeert met hoe(re)n h(er)nassce/ met ene(n) zoegh voelen It(em) iii ploeghe It(em) iii eeghde(n) met hoe(re)n/ toebehoirten getaxeert op lxv love(n)sche peters It(em) iii zoeghe/ en(de) ene(n) beer en(de) It(em) xxi ande(r) verkene(n) getaxeert op xv/[gul(den)] peters d(er) mu(n)ten voirscr(even) It(em) vi melc koeye ene(n) berre ii jair/ linge calve(re) en(de) iiii cleyn calve(re) getaxeert op xxxiii peters/ d(er) mu(n)te(n) voirscr(even) It(em) es vorw(er)de dat de voirs(creven) wynne jairlix de hoeve/ beemde driessche eeussele en(de) lande wael en(de) loflic grichte(n) en(de)/ vrede(n) sal en(de) die wael en(de) loflic gegricht gevreedt en(de) geloke(n)/ laten in sine(n) uutgaen It(em) es vorwarde dat de wynne voirs(creven)/ late(n) sal [met sijns selfs sade] de lande besaeit wel en(de) loflic met hoe(re)n sade ende/ oec de hoeve gelikerwijs te sijne(n) leste(n) jae(r) gelijc [en(de)] met alsulken/ vruchte(n) alse hijse vant tsijne(n) income(n) beyde met zomer ende/ wijnter vruchte(n) en(de) die gewo(n)ne(n) en(de) geworve(n) late(n) ten mynsten/ gelijc reengenoote(n) Ende gelievet den cloeste(r) voirscr(even) ten leste(n)/ jae(r) ene(n) saeye(r) te sette(n) dat dat sal moege(n) doen op alsoe/ dat de voirs(creven) wynne den saet d(aer) toe leve(re)n sal en(de) den/ saeye(r) den vuede(n) en(de) tcloest(er) de dachue(re)n betalen It(em) dat hier/ nae volgen de hoeve en(de) de lande die de voirs(creven) wynne vant/ / te sijne(n) aencome(n) besaeit de welke hij geloeft heeft alsoe te late(n)/ te sijne(n) afsceiden Te wete(n) den v hoff voir de poirte meer dan/ half met boene(n) besaeit en(de) dand(er) deel vant hij eens geackert/ en(de) wael gemest It(em) den hof acht(er) den bogart met raepsade/ besaeyt It(em) den ande(re)n hof noch voirt half met raepsade besaeit/ en(de) dander helcht met spelte(n) It(em) den [inden] hof acht(er) den scaep/ stal gesaeit iii dossyne(n) lijnzaets dair de wynne de helcht/ af toech en(de) dair tege(n) sal tvoirs(creven) cloest(er) oec trecke(n) de helcht/ van iii dossyne(n) ten lesten jae(r) en(de) dander deel vande(n) selve(n)/ hove met boene(n) besaeit It(em) dit sijn de lande wijnter coe(re)n/ lande gehete(n) den groete(n) aert [met wijnter coren besaeit] Inden yersten bij thof acht(er) de/ schue(r) xxii oft xxiiii boender wijnt(er)coe(re)ns oft dair omtrent/ in ene(n) stucke It(em) inden couther bove(n) de moelen en(de) wuwers/iiii vier boender in ii stucken It(em) vi seve(n) boend(er) in ene(n) stucke/ acht(er) de kerke van p(er)wez d(aer) af dat de bruede(re) willems wilen/ heylwijchs afhadden een boend(er) It(em) opte strate d(aer)men van p(er)wez/ te loven(e) wairt gaet een half boender It(em) opte strate dairme(n)/ te saert wairt gaet vijf zillen It(em) i(½) zille tusschen gielijs/ den scobbuer en(de) gielijs van e(n)nengiez It(em) v boender in ene(n)/ stucke bijde(n) kersele(r) It(em) iii boende(r) bij mijnre vrouwen bosch/ It(em) dit sijn de zomer lande die de voirs(creven) wynne besaeit vant/ te sijne(n) income(n) met zomer vruchte(n) Inden yerste(n) xiiii boend(er)/ lands voir de porte vander poirte(n) tot den boeme van e(n)nengiez/ toe It(em) op dand(er) zijde vanden selve(n) boeme xiiii boender Item/ iii syllen opte(n) wech d(aer)men ghaet van p(er)wez ter wijntmoele(n)/ wairt It(em) seve(n) zille(n) aldair naest te p(er)wez wairt It(em) noch/ een half dachmael alre naest It(em) noch voirt dair bij twee/ boender voir gielijs hof van e(n)nengiez It(em) noch v zille(n) tusscen/ den boem en(de) e(n)nengiez opte zubbe It(em) iii zyllen dair neven/ It(em) noch iii roeden bij de xxii boender voirscr(even) It(em) noch dair bij/ een zylle It(em) noch iii zyllen opte gruen grecht dairme(n) gaet/ vande(n) boeme van e(n)nengiez ten bossche wairt It(em) noch iiii/ boend(er) aen mijnre vrouwen bosch It(em) noch v zillen dair alre naest/ It(em) noch twee boend(er) bij mijns joncke(re)n bosch dwelc de voirs(creven) wy(n)ne/ braec vant Item vant de voirs(creven) wynne vande(n) voirs(creven) zomer landen/ / [ten] yersten gemest iii boend(er) en(de) een dach(mael) met witte(n) ende/ grauwen erwete(n) besaeyt en(de) i(½) boender crocken gemest/ bijden boem It(em) iii boend(er) crocken ongemest It(em) een boend(er)/ erwete(n) ongemest It(em) [alle] dande(r) zomerlande vant de voirs(creven)/ wynne met evene(n) besaeit It(em) dit sijn de brake lande die/ de voirs(creven) wynne vant brake ligge(n)de te sijne(n) aencome(n) Te/ wete(n) xiiii boend(er) in ene(n) stucke tweewerve(n) geackert/ en(de) alle dande(r) braeclande vant de voirs(creven) wynne eens/ geackert Ende in des(er) manie(re)n sal [es vorwarde dat] de wynne voirs(creven) in des(er)/ manie(re)n sal late(n) alle de lande voirscr(even) ten te sijne(n) afsceide(n)/ wel bevreedt geackert gemest en(de) besaeit gel te mynste(n)/ gelijc reengenoete(n) en(de) gelijc hijse vant tsijne(n) income(n) sond(er)/ schatten It(em) bevontme(n) [wairt alsoe] dat in e(n)nige(n) aerde voirscr(even) meer/ oft myn lande bevonde(n) worden dat dat ene(n) yegeliken te/

late(n) come(n) soude in beyde(n) sijden() sond(er) argelist It(em) dit sijn/ de beemde die de voirs(creven) wynne vant ongheedt en(de) bevreedt/ in sijne(n) income(n) Te wete(n) den beemt tot e(n)nengiez waert al/ geheel ongeheedt [ett] It(em) noch eene(n) beemt omtrent i(½) boend(er)/ houden(de) gelege(n) bijde moele(n) ongheedt [tt] It(em) noch den beemt/ gelege(n) tusscen de doodeleege en(de) dbeexken ongeheedt [tt] It(em) den/ beemt die jan de pont plach te houde(n) oec ongeeedt [tt] en(de) alle/ dande(r) beemde vant de voirs(creven) wynne geedt [tt] It(em) es vorw(er)de [op alsoe] wairt/ also dat de voirs(creven) wynne bynne(n) sijne(n) voirs(creven) t(er)mine e(n)nige scade lede/ van tempeeste oft gemeyne(n) oirloge dat den voirs(creven) wynne d(aer) af/ tvoirs(creven) cloest(er) hem d(aer) af rastoer doen sal gelijc ande(re) he(re)n en(de)/ p(re)late(n) hoe(re)n pachtene(re)n bove(n) en(de) benee(re) benede(n) doen sellen/ Welke vorwarde(n) gelofte(n) en(de) condicien voirscr(even) de voirs(creven) wynne/ geloeft heeft den voirs(creven) cloest(er) vast en(de) gesteedich te houden/ en(de) te voldoen tallen tijde(n) (et)c(etera) Hier af sijn borge(n) s des voirs(creven)/ wynne(n) als p(ri)ncipael sculdere(n) en(de) ind(ivisim) reyne(r) en(de) henrick/ vleemynx gebruede(re) sijn soene te voe(re)n uut hoirs vaders/ broede gedaen jan van bincke(m) van ov(er)hespe(n) wout(er) van bincke(m)/ natuerlic soen h(e)r(e)n oliviers wile(n) van bincke(m) ridders colijn van/ ra(m)melheez [diez wonende tot ov(er)wynde] jan ve(re)noyden en(de) peter wouters p(ri)mus wit(te)[ma(n)]/ velde decembr(is) p(ri)ma