Van janesse vande(n) scrieke/ Item van alsulken gedinge als opden dach van heden geweest es voir/ meye(r) en(de) scepen(en) van loeven(e) tusscen jannese vande(n) scrieke in deen zijde/ ende henricke(n) van schore die sijnre dochter heeft in dande(re) dairvan iii[c]/ crone(n) dair af de voirs(creven) jannes vande(n) scrieke den voirs(creven) henr(icke) aensprac/ dat hij die geloeft soude hebben in huwelek(er) vorwarde(n) (et)c(etera) Dair op de/ selve jannes onder den ande(re)n met goede(n) ma(n)nen thoende dat de/ voirs(creven) henrick inder huwelek(er) vorwaerden geloeft hadde te sette(n) op den/ wissel der stat van loven(e) iii[c] crone(n) sonder die e(n)nichsins weder in/ des voirs(creven) henrix hande te come(n) om dair mede tot behoef des/ selfs henrix en(de) lijsbette(n) vande(n) scrieke sijns wijfs rente(n) te cope(n)/ het wae(re)n erflic oft anders also willem(me) uut(er) helicht dieme(n) heet vand(er)/ borch dat goetdunke(n) soude ten meesten orbe(r) en(de) p(ro)ffijt des voirs(creven) henr(ix)/ en(de) lijsbette(n) sijns wijfs en(de) dat de voirs(creven) wille(m) uuter helcht dbewijnt hier af/ hebben soude Es tvonnisse dat nae aensprake nae verantw(er)de(n)/ ende nae thoenisse de voirs(creven) henr(ic) van schore setten sal opter stat/ wissel van loven(e) iii[c] crone(n) om die voirt bekeert te werden gelijc/ de wairheit gedrage(n) heeft cor(am) pynnoc abs(oloens) calstr(is) wit(te)[ma(n)] hug(ar)de(n)/ naen febr(uarii) xi