Van gheerde de molde(re)/ Van alsulken beleyde dair mede gheert de molde(re) die geleidt is nae/ den rechte der stat van loven(e) tot den goeden joffr(ouwe) m(ar)griete(n) vande(n)/ goere wedewe gheerts wilen vanden eynde ende dair aff joffr(ouwe) barbeke/ van outhalen ende h(er)jan austijns prieste(r) te loven(e) inne gescreve(n)/ wae(re)n op dat sij tege(n) tvoirs(creven) beleidt yet segge(n) oft allige(re)n woude(n)/ vanden goeden hier nae bescr(even) Inde(n) yersten van v s(cellingen) lovensce op/ huys ende hoff met sijne(n) toebehoirte(n) dierix ketelbueters gelege(n)/ te he(re)nthals tusscen de goede wouters couwelairs en(de) willems van lyere/ It(em) van iiii s(cellingen) lovensce aen huys en(de) hof willems plattijn make(r) ge/ legen te he(re)nthals tusscen de goede jans van heze en(de) jans smeets/ It(em) van iiii capuyne(n) erfs tsijs opte goede gords moens opte(n) dijck It(em)/ van (½) boend(er) lands gelege(n) opte(n) poel tusschen de goede peter woeranx/ en(de) m(ar)griete(n) ke(m)mers It(em) van i(½) boend(er) lands gelege(n) ald(aer) opte(n) poel tussce(n)/ de goede jans wilen van wickevorst en(de) de ghemeynst(ra)te It(em) van iii/ vierdel lands gelege(n) opten puegher tussce(n) de strate van sasse(n)hout/ en(de) de strate vande(n) heylige(n)borne It(em) [van] eene(n) eeussel houden(de) i(½) vierdel/ gelegen neven de goede der fermeryen vande(n) beghijnhove van he(re)nthals/ Dair de voirs(creven) joffr(ouwe) barbeke noch h(er)jan niet come(n) en sijn hevet/ tvo(n)nisse der scepene(n) van loeven(e) gewijst datme(n) den voirs(creven) gheerde de/ moldere vande(n) voirs(creven) goede(n) houde(n) sal in sijne(n) beleide also verre alst/ noch voir scepen(en) van loven(e) come(n) is pynnoc abs(oloens) calstr(is) wit(te)[ma(n)]/ hug(ar)den naen febr(uarii) xxiii