Cond sij allen lieden dat jan wasschart van wenxele henrick ende/ jaspar wasschart gebruede(re) sijn zoene te voe(re)n uut des selfs hoirs vaders broede/ gedaen sijn come(n) in jegewoirdicheide(n) der scepen(en) van loven(e) ende hebben genome(n)/ ende bekent dat sij genome(n) hebben vand(er) he(re)n robbeert van berthem bijden/ gestaden gods abdt ende sijne(n) conve(n)te sgoidshuys van vliederbeke thof te/ dyependael mette(n) huysingen eeusselen ende met alle den wynnende/ lande den voirs(creven) goidshuyse van vliederbeke ende den hove van dyepe(n)dael/ toebehoe(re)nde gelege(n) te dyependale en(de) dair omtrent te samen metter/ thienden van diependael Te houden te hebben en(de) te wynne(n) van/ / halfmerte dat wesen sal int jair ons he(re)n m cccc en(de) sessendertich ene(n)/ termijn van twelf jae(re)n langc deen nae dander sonder middel volge(n)de/ elx jairs dae(re)n bynne(n) om hondert drientseventich mudde rogs veertich/ mudde ghersten en(de) vie(re)ntwintich mudde evene(n) elx coe(re)ns goet ende/ payabel der mate(n) van loeve(n) alsulx als gemeynlic opte voirs(creven) goede/ wassen sal te sente andries misse apostels te betalen en(de) tot/ loven(e) dairt den voirs(creven) m(ijn) he(re) den abdt genuege(n) sal te leve(re)n alle/ jae(re) den voirs(creven) t(er)mijn due(re)nde en(de) telken t(er)mine als vervolghde scout/ Item es vorwairde dat de voirs(creven) wyn wynne(n) jairlix den voirs(creven) t(er)mijn/ due(re)nde int voirs(creven) hof leve(re)n selen anderhalfhondert mandele(n) walme/ goet en(de) custbair om de huysinge dair mede te decken en(de) alsmen/ die aldair verdect soe selen de selve wynne(n) den wercliede(n) den/ montcost gheve(n) en(de) m(ijn) he(re) dabdt de dachue(re)n Ende wairt also dat/ aen de voirs(creven) huysinge bynne(n) den voirs(creven) t(er)mine e(n)nige groeve ty(m)meri(n)ge/ gebrake die soude de voirs(creven) abdt doen maken op sine(n) cost sonder/ alleen dat de voirs(creven) wynne(n) de wercliede vuege(n) soude(n) Wairt oec/ also dat de voirs(creven) m(ijn) hee(re) dabdt e(n)nige(n) nuwe huyse dede ty(m)mere(n) oft/ maken dair af en soude(n) de voirs(creven) wynnen gheve(n) cost drage(n) noch/ ghelden Item sele(n) de voirs(creven) wynne(n) de huysinge aldair wel en(de) cusbairlic/ houde(n) van wanden vander underster rikelen nederwairt met alsulk(er)/ vorwairden wairt dat de voirs(creven) wynne(n) bynne(n) den voirg(eruerde) t(er)mine e(n)nige/ scade leden oft hadden inde voirs(creven) goeden van tempeesten oft van orloghe/ dair af soude(n) hen de voirs(creven) m(ijn) he(re) dabdt en(de) convent rastoir doen/ gelijc dat ande(re) prelate(n) hoe(re)n wynne(n) bove(n) en(de) benede(n) doen selen Voirt/ es ondersproken wairt also dat den voirs(creven) goidshuyse aen de voirs(creven) goede/ e(n)nighe(n) scade gesciede van brande die van des [der] voirs(creven) wynne(n) wegen/ oft sijnre wege(n) boden toequame dair af soude(n) de selve [wy(n)nen hoir] bode/

sijn scade dragen en(de) den voirs(creven) goidshuyse oprichte(n) alsulke(n) scade als/ den selve(n) cloeste(r) van dien brande come(n) wae(r) Wairt oec also dat den/ voirs(creven) wynne(n) aldair e(n)nige scade gesciede van brande die van des voirs(creven)/ goidshuys wege(n) toequame dair af soude(n) de voirs(creven) m(ijn) he(re) dabdt ende/ sijn conve(n)t hae(r) scade draghen en(de) den voirs(creven) wynne(n) sijn [hoir] scade vergelde(n)/ en(de) oprichte(n) Wairt oec alsoe dat dair brant geviele en(de) men niet/ en wiste hoe noch wair af die brant toequame dair af soude/ elc van hen sine scade drage(n) sonder deen den ande(re)n d(aer) af yet teyssce(n)/ / Item selen de voirs(creven) wynnne(n) alle jae(re) den voirs(creven) t(er)mijn due(re)nde den voirs(creven)/ m(ijn) he(re) den abdt en(de) conve(n)t op sente servaes dach ene(n) maeltijt/ gheve(n) en(de) die wael en(de) tamelic ontfaen uutgesceide(n) van wijnne/ It(em) sele(n) de voirs(creven) wynne(n) de gasterie doen vande(n) voirs(creven) hove de vande(n)/ ghene(n) die aldair van ons genedichs he(re)n weghen come(n) selen alsome(n)/ int voirs(creven) hof gewoinlic es geweest ende also verre hij dat sculdich/ is te doen Item selen de voirs(creven) wynne(n) hebben de helchtwynni(n)ge vande(n)/ beemden des voirs(creven) goidshuys in assenbroeck gelege(n) den voirs(creven) t(er)mijn/ due(re)nde en(de) dair voe(r) sele(n) de selve wynne(n) gheve(n) elx jairs den/ voirs(creven) t(er)mijn due(re)nde twelff rijnssche gul(den) goet van goude en(de) van/ gewichte totter groter honde behoeff ons genedichs he(re)n te betale(n)/ op sente mychiels dach It(em) sele(n)de voirs(creven) wynne(n) jairlix de(n) voirs(creven)/ t(er)mijn due(re)nde gheve(n) vier pont was om die inder capelle(n) te/ dyependale te orbere(n) Ende sele(n) de selve wynne(n) den voirs(creven) t(er)mijn/

due(re)nde den voirs(creven) goidshuyse twee voelen wynte(re)n s sond(er) [hoe(re)n] cost Item/ en selen de voirs(creven) wynne(n) bynne(n) den voirs(creven) t(er)mine engheen core(n) vanden/ voirs(creven) lande moegen vercope(n) opt velt noch te pacht uutgheven/ Item selen de voirs(creven) wynne(n) ten eynde vande(n) voirs(creven) t(er)mine de voirs(creven) lande/ late(n) gewonne(n) ende besaeit inder vuege(n) hier nae genoempt Te/ wete(n) viertich boend(er) lands besaeit met wyntercoerne wel ende/ loflic gelijc hij die vijnde(n) sal te sine(n) income(n) en(de) xliiii boender/ en(de) een dachmael storte(n) eens o(m)me gedaen ende de brake geheel/ Ite(m) sele(n) de voirs(creven) wynne(n) op dleste jair vande(n) voirs(creven) t(er)mine allet coe(re)n vande(n)/ voirs(creven) lande dat hij [sij] dair op wynne(n) sele(n) vue(re)n int voirs(creven) hoff en(de) dat/ dair doen dersschen en(de) voesteringe en(de) stroe dair af aldair late(n) tot/ des voirs(creven) mijns he(re)n des abds en(de) co(n)vents behoef It(em) alle dmest dat/ de voirs(creven) wynne int sijn leste jair vande(n) voirg(eruerde) t(er)mine gemaect sele(n)/ hebben tot sente denijs misse toe sele(n) hsij opt voirs(creven) lant vue(re)n slands/ meesten p(ro)fite Item sele(n) de voirs(creven) wynne(n) ten eynde vande(n) voirs(ctreven) t(er)mine/ de grachten en(de) de thuyne vande(n) voirs(creven) goeden wel en(de) loflic begrave(n)/ ende beloken laten Ite(m) sal de voirs(creven) mijn he(re) dabt den selve(n) wynne(n)/ jairlix ene(n) roc gheve(n) als de voirs(creven) m(ijn) he(re) dabt clede(re) gheeft en(de)/ anders niet Ende alle dese vorwarden pointe(n) en(de) conditien boven/ / bescreve(n) hebbe(n) geloeft de voirs(creven) jan wasschart en(de) sijn sone (et)c(etera)/ Hier af sijn borgen des voirs(creven) jans wasschart en(de) sijnre zoenen/ als p(ri)ncipael sculde(re)n ongesund(er)t ende ongesceide(n) en(de) elc voir al/ jan van bullestrate(n) soen arnts van bullestrate(n) symoen wellens/ soen jans wellens van wenxele en(de) jan wasschart oec soen/ des voirs(creven) jans wasschart Et tres p(ri)mi abs(oloens) calst(ris) m(ar)tii v