Van gielise crauwel/ Van alsulk(er) aensprake(n) d(aer) af gielijs crauwel janne van scone(n)b(er)ghe/ voe(r) meye(r) en(de) scepen(en) van loeven aengesproke(n) heeft als dat de/ selve jan de(n) vors(creven) gielise ov(er)seyde ja ja slaet desen doet ghi hebter/ ene(n) doet voe(r) gode en(de) voe(r) de werelt Hebbe(n) de scepen(en) va(n) loeve(n)/ bi mae(n)nisse(n) smeyers va(n) loeve(n) gewijst voe(r) een vonnisse dat de vors(creven)/ jan van scone(n)b(er)ghe de(n) vors(creven) gielijse t(er) bet(er)nisse doen sal een bedev(ar)t/ tot sent tewouts in elzete(n) en(de) d(er)w(er)t porre(n) bynne(n) xl dage(n) en(de) goede/ w(ar)heyt d(aer) af brenge(n) na de(n) rechte d(er) stat va(n) loeve(n) of des vors(creven) gielijs/ moet hebbe(n) pynnoc abs(oloens) calstr(is) wit(te)[ma(n)] hug(ar)de(n) naen vi dage in/ merte