It(em) peter mol van gheele de jonghe in jegenwerdicheit d(er) scepen(en) va(n)/ loeven gestaen heeft geloeft op sijn lijf en('de) op sijn goet en(de) op zoenbreke/ en(de) landbreke te zijn dat hi om negheenre saken wille die hi uutstaende/ mach hebbe(n) pete(re)n mol va(n) arnde vand(er) voert oec van ghele nu(m)m(er)meer/ hatye vede wangonst noch viantscap doen oft draghen en sal noch/ hem te kamp eysschen daghen oft moeyen in n bi hem selve(n) oft/ bi yemant anders in negheenre manie(re)n (et)c(etera) in meliori for(ma) Bekennende/ en(de) v(er)lyende de vors(creven) pet(er) so waer hi hier jege(n) dade dat hi dan wae(re)/ en(de) sijn soude zoenbreke en(de) peysbreke en(de) sijn lijf en(de) sijn goett v(er)boert soude/ hebbe(n) ond(er) alle he(re)n en(de) gerichte d(aer) hi ond(er) vonden sal w(er)den Behoudelic/ dien eest dat de vors(creven) pet(er) de(n) vorscr(even) arnde va(n) e(n)nige(n) sake(n) yet/ aen te spreke(n) heeft dat hi dat doen mach mette(n) rechte velde/ naen m(ar)tii xv