Item es vorw(er)de dat de voirs(creven) borge(n) met den voirs(creven) brieve niet voirder/ werken en sele(n) dan oft sij vand(er) voirs(creven) lijftocht scade hadde(n) hen d(aer) mede/ scadeloes te lossen Ende heeft geloeft jan mychiels die beleidt/ es tot den goede(n) des voirs(creven) jans juede(n) dat hij den voirs(creven) borge(n) met/ den selve(n) beleide gheen hijnd(er) doen en sal mer hen altoes met/ den voirs(creven) beleide behulpich weze(n) dat sij scadeloes gelost sele(n) worde(n)/ cor(am) eisd(em)