Dyonijs van swertgoer/ jannes van doerne/ Item na dien dat nu onlanx voe(r) den drossate en(de) scepenen van gheele/ een dyonijs van swertgoer van gheele recht gevordert heeft op de goede/ beyde have en(de) erve jannes van doerne en(de) m(ar)griete(n) van swertgoer sijns/ wijfs zust(er) des vors(creven) dyonijs met ene(n) scepenen brieve van gheele sprekende/ van dusent cronen en(de) dat ter kennisse comen wesende vande(n) vors(creven) jannes/ van doerne dede hi na de(n) recht d(er) stat va(n) loeven tot sine(n) goede(n) leyden ene(n)/ janne van boesschot die t(er) stont d(aer) na mett(er) stat brieve(n) van loeven [en(de)] de(n) vors(creven)/ dyonijse vand(er) vorderi(n)gen van recht dat hi tot gheele ind(er) manie(re)n als/ vors(creven) is hadde begonne(n) te vorde(re)n en(de) voert te sette(n) de banck tot gheele [dede] voe(r)/ sluyten en(de) oec hem jege(n) de(n) vors(creven) jannes van boesschot tot ene(n) seke(re)n/ dage tot loeven dach betekenen daer sij in beyden siden q(ua)men en(de) aensp(ra)ke/ en(de) v(er)antw(er)den deden met vele redene(n) en(de) thoe(n)nisse(n) die si in beyden/ siden dede(n) segge(n) en(de) bileggen So hebbe(n) de scepene(n) van loeve(n) vorscr(even)/ bi seke(re)n redene(n) den rechte vande(n) scepene(n) brieve(n) van loeven merkelic/ en(de) grotelic aengaende de p(ar)tijen voirscr(even) vand(er) vors(creven) sake(n) gesett en(de) gewijst/ inden rade vand(er) stat van loeven en(de) tot haerre t(er)minacien Welc scepen(en)/ van loeve(n) voirs(creven) den rade vand(er) stat va(n) loeve(n) de saken ov(er)gaven en(de) bibrachte(n)/ die alle gelegenheit en(de) gestant vand(er) selv(er) saken met goeden rijpen/ rade en(de) deliberacien wael en(de) volcomelic wegende en(de) ov(er)denckende/ get(er)mineert hebbe(n) voe(r) redenen recht en(de) bescheyt dat de brieve in/ beyden siden dats te wete(n) den scoutbrief en(de) den beleytbrief die/ de voirs(creven) jan van boesschot sprekende heeft op de goede jannes van/ doerne en(de) den scepene(n) brief van gheele die de vors(creven) dyonijs van/ swertgoer sprekende heeft op de goede op de goede des vors(creven)/ jannes van doerne en(de) m(ar)griete(n) zijns wijfs ter stont en(de) sond(er) v(er)treck/ brenghen sele(n) onder de stat va(n) loeven en(de) dat de vors(creven) jannes/ van doerne de goede die comen sijn van weghen en(de) vand(er) side(n)/ / der vors(creven) m(ar)griete(n) sinen wive het sij dat hae(r) die te huwelic/ gegeven sijn dat si die selve gewonne(n) v(er)cregen oft v(er)worve(n)/ heeft of dat hae(r) die namaels e(n)nichsins aencomen mogen of/ dat si die namaels v(er)crigen copen oft v(er)werve(n) mach hoedanich/ die sijn mogen si sijn beruerlic oft onberuerlic nu(m)m(er)meer en sal/ moge(n) v(er)copen v(er)hueren v(er)setten v(er)panden v(er)ande(re)n noch uut hae(re)n/ of sine(n) hande(n) sette(n) noch de selve goede vander vors(creven) m(ar)griete(n)/ sine(n) wive e(n)nichsins vervreemden in al oft in deel in e(n)nig(er)/ manie(re)n En(de) oft de vors(creven) jannes van doerne e(n)nichsins dat/ dade dat en sal van gheender weerden mer te mael/ als niet sijn en(de) dat sal de selve jannes va(n) doerne wed(er)/ bete(re)n richte(n) en(de) restitue(re)n Mer van dien goeden en(de) vanden/ goeden des vors(creven) jannes van doerne die [hi] nu heeft en(de) die/ hem namaels aencome(n) mogen sele(n) zij samentlic leven ter goed(er)/ meyninghen en(de) sond(er) argelist cora(m) kersmake(re) voshem burg(i)/ mag(ist)ris in pleno consilio anno xiiii[c] xxxvi junii xx[ma]