It(em) arnt van meensele en(de) arnt van heeze scepen(en) van halen in/ jegenwordich(eit) d(er) scepen(en) van loeve(n) gestaen hebbe(n) getuyght en(de) sien/ drage(n) dat int jae(r) ons he(re)n m cccc en(de) xix opten xxix/ dach van ap(ri)lle voe(r) de(n) meye(r) van hale(n) en(de) hen als voe(r) scepen(en)/ va(n) halen ten v(er)sueck gielijs van meensele q(ua)men henric andries/ jan quaetneven servaes vand(er) hulst wout(er) de cup(er)e pet(er) vande(n)/ nuwenhuys mathijs kynvaders en(de) willem mansraets ingeseten(en)/ porte(re)n d(er) stat va(n) hale(n) en(de) tuyghden en(de) droege(n) openbaerlic/ bi hae(re)n eede dien si daer toe wettelic ten heylige(n) deden dat/ hen wael kenlic was dat cristijn van meensele die wettich/ wijf was joes wile(n) van ned(er)hem van live ter doet quam/ op sente laureys dach die [des] doen doen tvors(creven) getuyghnisse/ geschiede twee jaer waert op sente laureys dach die/ d(aer) naest quam En(de) want dit getuyghnisse aldus voe(r)/ de scepen(en) van hale(n) voirs(creven) geschiede so bidde(n) si de(n) scepen(en)/ van loeven dat si dit op hen voert dragen willen/ abs(oloens) calstr(is) junii xxi