Van janne vand(er) lue dieme(n)/ heet pier/ Van alsulken gedinge als geweest es voir meye(r) en(de) scepen(en) van loeven(e)/ inde banc aldair tusscen willem(me) vand(er) haghen die geleidt is tot den/ goede(n) jans vand(er) lue soen gielijs wile(n) vand(er) lue in deen zijde en(de) ja(n)ne/ vand(er) lue dieme(n) heet pyer natuerlic soen h(e)r(e)n jans wile(n) vand(er) lue/ dieme(n) heet pyer priesters en(de) robeert pichoze sijne(n) zwag(er) die geleidt/ sijn tot den goeden des voirs(creven) wile(n) he(re)n jans vand(er) lue in dande(re) alse/ vande(n) goede(n) hier nae bescreve(n) Inden yersten van ene(n) dach(mael) lands/ gelege(n) op neckerspoel achter den nuwen kerchof aldair tusschen/ de goede jans honts en(de) der kerke(n) van sente mychiels te lov(en)/ / Item van ix dachmale(n) lands gelege(n) bijde(n) galghberch te loven(e)/ tusscen de goede jans wilen qui(n)q(ue) in beyden sijden Ite(m) van/ ene(n) dachmael boschs gelege(n) aldair bijden loobosch ald(air) naest/ den goeden des voirs(creven) wilen jans qui(n)q(ue) dair op in beyden/ sijden aensprake en(de) verantw(er)den gesciet sijn met seke(re)n thoe/ nissen die dair op verhoirt worden Eest vo(n)nisse dat de/ voirs(creven) wille(m) vand(er) haghen met sijne(n) beleyde voirscr(even) aen de/ voirs(creven) goede verdoelt is pynnoc abs(oloens) calst(ris) kersmake(re) naen/ augusti ix