SAL7729, Act: V°181.1 (167 of 362)
Search Act
previous | next
Act V°181.1  
Act
Date: 1435-12-10
LanguageNederlands

Transcription

2020-02-03 by kristiaan magnus
Van daneele vanden wairde/
Item uut dien dat jan van vertrike die beleit es tot de(n) goeden/
daneels vanden wairde hee(re) van meerbeke en(de) vande(n) eyghene(n)/
come(n) es opte(n) dach van heden inde banc voir meye(r) en(de) scepen(en)/
van loven(e) seggende hoe dat hij int recht stonde voir meyer/
en(de) scepen(en) voirs(creven) tegen riket wedewe jans wilen parent ende/
lenarde soen jans lenart te court alse vand(er) helcht van/
eenre thienden met hoe(r) toebehoirte(n) gelege(n) te court saint/
steven die de voirs(creven) i daneel in pachtinge(n) houden(de) es dair/
aen inne dat de voirs(creven) riket en(de) lenart meynde(n) dat sij mede/
gericht wae(re)n en(de) dat dair toe soe vele gesciet wae(r) dat/
sij in beyde(n) sijde(n) op hoir thoenis gewijst [en] sijn Dair af dat/
den dach van thoenis op hede(n) wae(re) meyne(n)de en(de) hope(n)de/
soe wair de voirs(creven) riket en(de) lenart niet en thoenden ten/
opstaen smeyers en(de) d(er) scepen(en) dat hij blive(n) soude in sijne(n)/
beleide vand(er) voirs(creven) thiende(n) Soe hebben de he(re)n scepen(en)/
van loeven(e) ter manisse(n) smeyers gewijst voir een vo(n)nisse/
soe wair des voirs(creven) jans van vertrike wed(er)p(ar)tie niet en quame/
noch en thoende ten opstaen smeyers en(de) d(er) scepen(en) dat den/
voirs(creven) ja(n)ne en(de) sijne(n) beleyde volge(n) soude tgheen dat hij aen/
gesproken hadde pynnoc wittema(n) hug(ar)de(n) velde naen dece(m)br(is)/
x
ContributorsKarel Embrechts
Moderated byKarel Embrechts
Last update: 2016-06-06 by Agata Dierick