Van jannese manfraits/ Item want bartelmeeus van zelke natuerlic zoen h(e)r(e)n arnts wilen/ van zelke ridders die geleydt es na den rechte der stat van loeven/ tot den haefliken goeden katlinen joesens van halen te loeven int/ recht voir meye(r) en(de) scepen(en) aldair in hadde doen scriven jannesse/ manfraits van halen dair de voirs(creven) bartelmeeus uut machte vande(n)/ voirs(creven) beleyde den voirs(creven) jannese aensprack van enen brieve die/ hij onder hebben soude die hij also lief hadde als xxxii hollansche/ gulden(en) met alrehande woirden die de voirs(creven) bartelmeeus dair/ toe dede seggen [ende] dair op hem die voirs(creven) jannes manfraits hem/ verantwerde met alsulken worden en(de) besceide als hij dair toe dede/ seggen Dair om eest dat de scepen(en) van loeven bi manissen/ smeyers van loeven wijsden voir een vo(n)nis dat alsulke aen/ sprake als die voirs(creven) bartelmeeus gedaen heeft tot den voirs(creven) jannese/ den selven jannese gheen onstade doen en sal cor(am) pynnoc/ abs(oloens) calstr(is) witteman velde ix dage in februario