SAL7729, Act: V°308.4-R°309.1 (275 of 362)
Search Act
previous | next
Act V°308.4-R°309.1  
Act
Date: 1436-03-27
LanguageNederlands

Transcription

2020-02-27 by kristiaan magnus
Van laureyse zwallart/
Item jan steennarts en(de) thomaes steennarts sijn soen sijn come(n)/
in jegewoirdicheide(n) der scepen(en) van loven(e) en(de) hebbe(n) geloeft op hoir/
lijf en(de) op hoir goet en(de) op zoenbreec ende vredebreec te sijn dat/
sij om negheenrehande saken wille die geschiet sijn tussce(n) hen in/
deen sijde ende laureyse zwallart van diest in dande(re) den selve(n)/
laureyse ne(m)mermeer wangonst hatye veede noch vyantscap dije(n)/
noch doen en sal hem crenke(n) noch hijnde(re)n aen lijf noch aen goede/
/ daghen noch moeyen buyte(n) lands noch te campe eyschen bij hem selve(n)/
noch bij nyema(n)t anders in negheenre manie(re)n Bekenne(n)de ende ver/
lyende de selve jans en(de) thomaes sijn zoen soe wair hij hier tege(n)/
daden dat sij peysbreke en(de) zoenbreke sijn soude(n) en(de) verboirt hebbe(n)/
hoir lijf en(de) hoir goet ond(er) wat he(re)n sij vonde(n) soude(n) worden absoloen/
wittema(n) martii xxvii
ContributorsKarel Embrechts
Moderated byKarel Embrechts
Last update: 2016-06-08 by Agata Dierick