It(em) van alsulken stote als geweest es tusschen janne vanden broecke van/ holede in deen zijde en(de) joffr(ouwe) katline(n) vanden broecke no(n)ne p(ro)fes inden/ godshuyse van s(in)te marien dale in dande(re) alse vanden goeden die bleven/ sijn nae de doot vader en(de) moeder des voirs(creven) jans vanden broecke en(de)/ joffr(ouwe) katline(n) sijnre zuster Sijn de selve jan vande(n) broecke en(de) jan coppe(n)s/ als p(ro)curatuer des voirs(creven) godshuys inde(n) name vanden selven godshuys/ en(de) inden name vander voirs(creven) joffr(ouwe) katline(n) comen voir scepen(en) van loeve(n)/ ende sijn dair af en(de) van allen ande(re)n zaken die sij deen den ande(re)n eysschen(de)/ moigen sijn tot opten dach toe van heden [eendrechtichlic] bleven in se en(de) gesubmitteert/ in segge(re)n en(de) vrientliken yffene(re)n Te weten de voirs(creven) jan be eendrech/

tichlic [Te wete(n)] in h(e)r(e)n henricke obrecht prioir des godshuys van bethleem/ ende in janne van ha(m)me ende hebben geloeft de voirs(creven) jan vanden broecke/ en(de) jan coppens inden name vande(n) voirs(creven) godshuyse van s(in)[te] mariendale/ en(de) joffr(ouwe) katline(n) vanden broecke vast en(de) gestentich te houden soe wes/ de voirs(creven) segge(re)n vanden voirs(creven) stote segge(n) en(de) uutdragen selen cor(am) wit(te)[ma(n)]/ hugarden sab(at)[to] post pascha