Van bartelmeeuse en(de) janne/ madee gebruede(re)/ Item want ghescille is geweest en(de) noch is tuschen bartelmeeuse en(de) janne/ madea gebruede(re)n in deen zijde en(de) goerde en(de) bartelmeeuse van warwelle gebrue/ de(re)n in dande(re) om saken wille die tot loeve(n) op ene(n) seke(re)n dach die tussche(n)/ de voirs(creven) p(ar)tien tot loeven gehouden wart verha(n)ldelt en(de) vertalt warden/ ende dair af de voirs(creven) goert van warwelle den voirs(creven) bartelmeeuse en(de)/ janne madee gebruede(re) ze(re) vreemde en(de) wond(er)like brieve over gescreve(n)/ heeft Dair om eest dat de raet vand(er) stat van loeven ter beg(er)ten en(de)/ beden des voirs(creven) bertelmeeus en(de) jans madea gebruede(r)s aengehoert/ heeft h(e)r(e)njanne vand(er) phalizen p(ro)chiaen der kerken van s(in)te peters/ van loeve(n) en(de) janne van bolgry die opten voirs(creven) dach waren die/ bij hue(re)n eede openbairlic tuyghden dat de voirs(creven) b(er)telmeeus ende/ jan madee den voirs(creven) b(er)telmeeuse van warwelle g(er)ne v en(de) vriendelic/ hadde(n) willen aenhoeren en(de) hen antworden op den eysch schout en(de)/ punten die sij hen in huers selfs p(er)sone geloeft oft sculdich hadde(n)/ / moigen sijn maer om dat de voirs(creven) bertelmeeus van warwelle schout/ en(de) saken eysschen woude die mychiel wilen madea sculdich soude/ geweest hebben Soe en wouden de voirs(creven) bertelmeeus en(de) jan madee/ dair op niet antworden noch dat aenhoe(re)n want den dach alsoe niet/ opgenomen en was Istud se(cundu)m e(st) in pleno consilio feria sexta post festu(m)/ pasche