It(em) tvonnisse tussche(n) henricke van blidenb(er)ghe in deen side en(de)/ janne van winczele in dande(r) Alse van alsulk(er) quetsue(re)n die/ de selve jan de(n) vors(creven) henricke gedaen hadde (et)c(etera) Es/ dat de voirs(creven) jan den meest(er) afdoen sal bynne(n) xiiii/ nachte(n) naest comende en(de) de(n) vors(creven) henricken te bet(er)nissen doen/ en(de) bedev(ar)t tsente d tewouts in elzen en(de) derw(er)t/ porre(n) bynne(n) xl dage(n) naist comende en(de) goede w(aer)heyt d(aer)/ af bringe(n) na de(n) rechte d(er) stat va(n) loeven oft sine(n) goeden/ moet te hebbe(n) (et)c(etera) pynnoc abs(oloens) calstr(is) wittema(n) velde/ naen des sat(er)daeghs xxx daghe in julio