It(em) opte(n) dach van huden sijn come(n) voi(r) scepen(en) van/ loeven jan van beke en(de) arnt de ruyte(re) scoemake(re)n en(de) hebbe(n)/ bekent en(de) verlijdt openbairlic dat sij ond(er) hen beyden en(de) alleen/ sond(er) toedoen van yema(n)de van live ter doet bracht hebben/ lauwreyse wilen vand(er) gheeten, scoemake(r) en(de) dat mathijs/ van loven(e) oec scoemake(r) vanden voirs(creven) dootslage raidts daets/ en(de) wetens clairlic onsculdich es Segge(n)de voirt de voirs(creven) jan/ van beke ende arnt de ruyte(re) dat dit wair is dat sij d(aer) toe/ alsoe veel doen wille(n) het sij met eede oft and(er)s gelijc als/ dat behorelic wezen sal wittema(n) naen oct(obris) v