De walte(r)o de quaderebbe/ Item want wout(er) van quaderebbe als wettech man en(de) mo(m)boer/ joffr(ouwe) m(ar)griete(n) van helmont nat(ur)lic docht(er) h(ere)n jans wilen va(n) b(er)laer/ he(re) va(n) helmont en(de) jof vrouwe m(ar)grieten weduwe des vors(creven) wile(n)/ h(ere)n jans en(de) henric va(n) helmont dieme(n) heet stakenborch oec nat(ur)lic/ sone des vors(creven) wile(n) h(ere)n jans en(de) vrouwe m(ar)griete(n) comen sijn voe(r)/ den rade d(er) stat van loeven thonende en(de) opdoende hoe dat jan van/ cortenbach he(re) tot helmont inden name van joffr(ouwe) kath(er)ine(n) sine(n) wive/ wettich docht(er) des voirs(creven) wile(n) h(ere)n jans een supplicatie onse(n) genedige(n)/ he(re) de h(er)toghe van bourg(oign)[en] en(de) van brabant ov(er)gegeve(n) heeft ond(er)/ den ande(re)n beg(ri)pende en(de) inhoudende dat de natuerlike kijnde(re) des/ voirs(creven) wile(n) h(ere)n jans he(re) va(n) helmont met lovenschen brieven gegoedt/ wae(re)n in vi rikelike hoeve des vors(creven) wile(n) h(e)r(e)n jans Daer mede/ des vors(creven) jans wijf va(n) cortenbach ontderft soude zijn buten/ den uuterster wille des selfs wile(n) h(ere)n jans va(n) b(er)laer also/ de selve jan ind(er) vors(creven) supplicatien te v(er)staen gheeft en(de) badt/ daer om de vors(creven) jan den vors(creven) onse(n) genedige(n) he(re) dat hi als/ mombour sijns wijfs inde vors(creven) goede wed(er) gesett en(de) geresti/ tueert mocht w(er)den met vele en(de) meer me(n)nig(er)hande woerden/ ind(er) vors(creven) supplicacien tot des(er) materien dienende beg(ri)pen En(de)/

de vors(creven) jan van cortenbach alrehande v(er) ten eynde de/ vors(creven) wout(er) sijn redene sluytende biddende en(de) v(er)suekende d(er) stat/ va(n) loeve(n) want hi en(de) sijn medeplichte(re) inde vors(creven) hae(r) goede voe(r)/ meye(r) en(de) scepen(en) va(n) loeven gegoedt en(de) gheerft wae(re)n dat sij/ de(n) vors(creven) janne van cortenbach indien hebbe(n) wouden dat hi hen/ dese(n) co(m)mer en(de) onlost afdoen woude gemerct dat dat grotelic/ wae(r) jege(n) de(n) rechten d(er) stat va(n) loeven en(de) de vors(creven) jan van/ cortenbach d(aer) op alrehande v(er)antw(er)den dede ond(er) den ande(re)n/ seggende dat hi vand(er) supplicacien niet en wist mer datse/ vriende van sine(n) wegen wael ov(er)gegeve(n) mochte(n) hebbe(n) en(de)/ dat de vors(creven) wout(er) inde vors(creven) supplicacie niet genoemt/ en wae(re) en(de) dat hem noch aen sine goede ghene(n) last oft/ co(m)mer geschiet en wae(re) met [vele] meer woerden en(de) redenen/ die de vors(creven) jan va(n) cortenbach noch in sijn v(er)antw(er)den dede/ / segge(n) en(de) rue(re)n Slutende ten eynde en(de) seggende de selve jan/ dat de vors(creven) wout(er) biden redene(n) vorscr(even) de vors(creven) clachte d(er) stat/ va(n) loeve(n) gedaen tonrecht en(de) bi cleyne(n) bescheide gedaen hadde(n)/ Daer om eest aengehoert beyde der p(ar)tijen redene(n) dat de/ raet vand(er) stat get(er)mineert heeft voe(r) redene en(de) recht/ want den vors(creven) woute(re)n va(n) quaderebbe als mombour der/ voirs(creven) joffr(ouwe) m(ar)griete(n) sijns wijfs en(de) den ande(re)n natuerliken/ kijnde(re) des he(re)n wile(n) van helmont brued(er) en(de) zuste(re)n van vad(er)/ en(de) va(n) moed(er) nochtertijt vand(er) supplicacien vorscr(even) neghene(n) hind(er)/ oft letsel geschiet en wae(re) dat de vors(creven) jan van cortenbach/ alnoch voertaen also v(er)wae(re)n sal dat hen d(aer) af noch/ ghene(n) hind(er) noch letsel en come noch en wed(er)vae(re) En(de) eest/ also dat de selve jan van cortenbach e(n)nich recht op hae(r)/ goede vorde(re)n wilt dat hi dat doen mach en(de) sal voe(r)/ meye(r) en(de) scepen(en) van loeven daer dat sculdech is te geschien/ d(e) stat va(n) loeven sal de(n) vors(creven) woute(re)n va(n) quaderebbe en(de)/ die ande(re) die(n) dat mede aengheet indien hebbe(n) dat si hem/ ald(aer) te recht comen selen Terminatu(m) (et) act(um) in pleno (con)silio/ xxvii die m(en)s(is) januarii anno xxxv[o] p(rese)ntibus et(iam)/ henrico de calstr(is) (et) walte(r)o wittema(n) scab(in)is lov(aniensibus)/ in eod(em) t(em)p(or)e