Van henr(icke) bake van leeuwe/ It(em) joes sgreeve(n) van leeuwe nu t(er)tijt wone(n)de ts(int) truden/ heeft geloeft op sijn lijf en(de) op sijn goet op zoenbreke/ en(de) lantbreke te zijn dat hi h om negheenre sake(n) wille/ die geschiet moge(n) sijn tussche(n) hem en(de) henricke(n) baken oec/ van leeuwe tot opte(n) dach toe van heden de(n) selve(n) henricke(n)/ nu(m)m(er)meer wangonst hatye vede noch viantscap doen/ noch draghen en sal noch hem bute(n) lants daghen noch/ / moeyen bi hem selve(n) oft bi yemant anders in negheenre manie(re)n/ Bekennende en(de) v(er)lijdende openb(ar)lic de vors(creven) joes so waer hi hier/ jege(n) dade dat hi dan wae(re) en(de) sijn soude zoenbreke en(de) peysbreke/ en(de) sijn lijf en(de) sijn goet v(er)boert soude hebbe(n) ond(er) alle he(re)n en(de) gerichte/ daer ond(er) hi vonden sal w(er)de(n) op also heeft de selve joes de(n)/ vors(creven) henricke(n) bake(n) va(n) e(n)nigen saken oft punte(n) yet te eyssche(n) of/ aen te spreke(n) dat hi dat doen mach mette(n) rechte (et)c(etera) cor(am)/ py(n)noc miles calstr(is) febr(uarii) ix