Van janne noyens van kessele/ Want clairlic ter conden vander stat van loeven(e) come(n) es dat de gichti(n)ge/ die gielijs vander loe van poederle gedaen heeft op janne noyens van/ kessele bij lyere van iii[c] ende viii gulden(en) dair voe(r) de voirs(creven) gielijs/ de goede des voirs(creven) jans noyens heeft doen beleide(n) met scalcke(n)/ opset geschiet is sonder den selven janne noyens dair af tot/ e(n)niger tijt tot loven(e) beclaeght te werden Dair om eest dat/ verdraghen is bijden raide vander stat datme(n) met den voirs(creven)/ beleide noch oec met den brieve vand(er) gichtinge(n) in neghene(n)/ tijden werken en sal ten sij dat bijder stat anders verdragen/ worde in pleno consilio febr(uarii) xxiiii