Ite(m) want willem vand(er) hofstat van wespelaer opte(n) dach van huden/ voe(r) meye(r) en(de) scepen(en) van loeve(n) inden rechte ald(aer) comen was jegen/ janne vand(er) valporte(n) en(de) de selve jan vand(er) valporte(n) de(n) selve(n) wille(m)me/ ald(aer) aensprack van v hollan(sche) gul(den) erflik(er) rente(n) die hi gecocht en(de)/ gecrege(n) hadde jege(n) de vors(creven) wille(m)me vand(er) hofstat op seke(r) pande/ tot haeght gelege(n) dair af de(n) voirs(creven) ja(n)ne vand(er) valporte(n) letsel/ gedaen w(er)t bi wille(m)me vand(er) hoffstat sone der vors(creven) willems/ Mids die(n) dat de selve wille(m) de sone openbairlic meyndde datt/ de pande d(aer) op de vors(creven) wille(m) sijn vad(er) de vors(creven) v hollan(sche) gul(den)/ v(er)cocht hadde de(n) vors(creven) sine(n) vad(er) niet mer hem toebehoerde(n) Daer/ om eest dat de vors(creven) de willem de vad(er) voe(r) scepen(en) va(n) loeven/ openbairlic toegeseeght en(de) geloeft heeft de(n) vors(creven) janne vand(er) valporte(n)/ te wat tijde hi mette(n) vors(creven) wille(m)me sine(n) sone vande(n) vors(creven) panden/ mette(n) rechte geslete(n) sal sijn dat hi da(n) ter stont de(n) vors(creven) janne/ vand(er) valporte(n) vand(er) voirs(creven) rente(n) genoech doen en(de) goede vesticheyt/ doe(n) sal Gelovende voert en(de) toeseggende de selve willem vand(er)/ hofstat de vad(er) dat hi de(n) vors(creven) sine(n) sone ter stont hier af/ aenspreke(n) sal en(de) trecht d(aer) af op hem vorde(re)n Cora(m) pynnoc/ abs(oloens) wittema(n) hug(ar)de(n) velde naen m(ar)tii xv