Vander jouffr(ouwe) sriken/ Item van alsulken gedinge als opten dach van heden voe(r) meye(r) ende scepen(en) van/ loeven geweest is tusschen janne vanden borchoven jans soen die met middel/ met meye(r) en(de) scepen(en) van loeven geleyst geleydt is tot den goeden gielijs/ wilen sriken sijns oems in deen zijnde ende bertholomeeuse den hont wissele(r)/ van loeve(n) die uut cracht van scepen(en) brieve(n) van loeven bekent van gielise den/ rijken natuerlic sone des voirs(creven) wilen gielijs riken gegoedt en(de) gheerft is/ in iiii mudden rox der maten van loeven erflix pachts op de goede van/ reedingen in dande(re) Welc iiii mudde rox de voirs(creven) b(ar)tholomeeus meynde/ dat hem mids macht van sijnre guedingen volgen soude Den voirs(creven)/ janne vanden borchove(n) de contrarie houdende ende seggende mids dat/ hij doudste beleydt hadde dat hij hem dair om de voirs(creven) iiii mudde/ rox volgen souden Es tvonnis dat de voirs(creven) iiii mudde rox erflix/ pachts den voirs(creven) janne vanden borchoven ende sijnen beleyde volgen/ selen cor(am) pynnoc abs(oloens) calstris wittema(n) hug(ar)den velde naen martii xxii