SAL7729, Akte: V°339.1-R°340.1 (298 van 363)
Akte V°339.1-R°340.1
Act
Datum: 1436-04-26
Taal: Nederlands
Transcriptie
2021-03-11 door kristiaan magnusCond sij allen lieden dat jan kympe wonende te kerkem es come(n) in jeg(enwordicheit)/
der scepen(en) van loven(e) ende heeft genome(n) ende bekent dat hij genomen/
heeft [van peteren gorijs als p(ro)cureerder en(de) mechtich gemaect] /jegen de vanden eerwerdigen he(re)n abdt en(de) convent vande(n)/go cloeste(r) van sente cornelijs munster opter ynden bove(n) aken [inden name
ende van wegen des selfs cloest(er) de groete thiende met hoe(r) toebehoirte(n) gelijc
die den voirs(creven) cloester toebehoe(re)nde es met] de groete/
thiende met hoe(r) toebehoirte den voirs(creven) cloester toebehoe(re)nde es met/
ene(n) erfrechte inden dorpe en(de) p(ro)chien van kerkem en Te houden en(de)/
te hebben van halfm(er)te nu naestcomen(de) ene(n) t(er)mijn van twelff jae(re)n/
langc due(re)nde deen nae dand(er) sonder middel dair nae volgen(de) elx jairs/
dae(re)n bynne(n) op ende o(m)me neghentich mudde harts coe(re)ns pachts/
alsulx als van jae(re) te jae(re) vand(er) voirs(creven) thienden come(n) en(de) gehaelt sal/
werden g der mate(n) van thiene(n) Te weten sesse halster der selver/
mate(n) voir een mudde gerekent te sente andries misse apostels/en(de) vallende en(de) tons(er) vrouwe(n) dage lichtmisse vol betaelt te sijn/te bete jairlix den voirs(creven) t(er)mijn due(re)nde en(de) opder voirg(eruerde) he(re)n spyk(er)/
inde(n) dorpe van comptich oft bynne(n) der stat van thiene(n) dairt/
den voirg(enoemde) he(re)n oft hoe(re)n gemechtige(n) bode(n) alre best genuege(n) sal/
oft cost en(de) last des voirs(creven) jans kympe te leve(re)n den voirs(creven) he(re)n/
abdt en(de) convente ope [en(de)] pete(re)n gorijs hoe(re)n bode [voirs(creven)] oft den ene(n) van/
hen breng(er) des briefs alle jae(re) den voirs(creven) t(er)mijn due(re)nde en(de) telke(n)/
t(er)mine als v(er)volghde schout Met alsulk(er) condicien dat de voirs(creven)/
jan alle jae(re) den voirs(creven) t(er)mijn due(re)nde allet coe(re)n dat vand(er) voirs(creven)/
thiende(n) come(n) sal vue(re)n en(de) brenge(n) sal in ene schue(r) dairt hem/
genuege(n) sal en(de) dat kundige(n) den ghene(n) die dair toe inder/
voirs(creven) stat van thien(en) oft dorpe van comptich die vand(er) voirg(enoemde)/
he(re)n wegen gedeputeert sijn sal de welke alsdan de voirs(creven) schue(r)/
visente(re)n sal op also dat die voirs(creven) jan niet en sal co(n)ne(n) noch moge(n)/
anders geleve(re)n dan hij vand(er) voirs(creven) thiende(n) ingevuert sal hebben/
welke coe(re)n de voirs(creven) jan oec wale en(de) loflic met wa(n)ne ende/
vlogelen bereide(n) en(de) reynege(n) sal te coepmans prise Gevielt oec/
also dat tcoe tcoe(re)n voirs(creven) som nat in gevuert worde soe sal de/
selve jan dat nat coe(re)n alleen leggen en(de) versceyden vande(n)/
droege(n) Item gevielt oec alsoe dat de voirs(creven) jan kympe de voirs(creven)/
so(m)me van xc mudden coe(re)ns als voirs(creven) sijn mette(n) coerne dat vand(er)/
thiende(n) come(n) sal van jae(re) te jae(re) niet volleve(re)n en conste dat/
dan die selve jan alsulc gebrec sal moete(n) vol betale(n) met gelike(n)/
coerne als vand(er) thiende(n) op dat jair come(n) es en(de) dair hij/
/
mede begonne(n) sal hebben te betalen It(em) noch sal de selve jan/
alle jae(re) den voirs(creven) t(er)mijn due(re)nde ter plaetsen dair hij tvoirs(creven) coe(re)n/
leve(re)n sal oft dairt hem vande(n) gedeputeerden gewijst sal worde(n)/
op sijne(n) cost en(de) co(m)mer brenge(n) en(de) leve(re)n driehondert lofverig(er)/
walme(re) It(em) en sal de voirs(creven) jan gheen stroe dat vand(er) voirs(creven)/
thiende(n) come(n) sal vuere(n) oft laten vue(re)n uut den voirs(creven) dorpe van/
kerkem mer dat geheelic en(de) al slijte(n) en(de) late(n) blive(n) inder selve(n)/
do[r]pe Mair wairt also dat hij dat stroe ov(er)mids [gebreke van] sijne(n) pacht voirscr(even)/
vercope(n) moeste en(de) dat nyema(n)t ind(er) voirs(creven) p(ro)chien cope(n) en woude/
soe sal de voirg(enoemde) jan dat moege(n) v(er)cope(n) tsijne(n) schoonste(n) It(em) en sal/
de voirs(creven) jan gheen recht hebben inder cleynder thienden vande(n)/
dorpe en(de) p(ro)chien van kerkem Welke vorw(er)den en(de) condicien/
bove(n) becreve(n) de voirs(creven) jan kympe in deen zijde en(de) de pet voirs(creven)/
peter gorijs inde(n) name en(de) van wege(n) der voirs(creven) he(re)n abdt en(de)/
co(n)vente in dande(re) malcande(re)n vast en(de) gesteedich te houde(n)/
en(de) te voldoen tallen tiden en(de) t(er)mine(n) als die valle(n) en(de) v(er)scine(n)/
selen en(de) telken t(er)mine als v(er)volghde schout Hier af sijn borge(n)/
des voirs(creven) jans kympe als p(ri)ncipael sculde(re)n ongesund(er)t ende/
ongescheide(n) en(de) elc voir al willem kympe sijn vader matheeus/
kympe natuerlic soen des selfs willems jan vande(n) bossche van/
libbeke mathijs van diest van kerkem wouter van braemt en(de)/
jan zeems beyde van kerkem ende gheert meeus p(ri)mus/
van breyeshem primus hug(ar)de(n) naen ap(ri)l(is) xxvi
Nagekeken door: Karel Embrechts
Moderator: kristiaan magnus
Laatste update:: 2016-06-08 door Agata Dierick